ഇന്ത്യയുടെ ഏറ്റവും പുതിയ ബാറ്റിംഗ് സെന്‍സേഷന്‍ റിങ്കു സിംഗ് തന്റെ മിന്നും ബാറ്റും പ്രകടനം കൊണ്ട് വീണ്ടും വീണ്ടും സ്വയം പേരെടുക്കുകയാണ്. നിലവില്‍ നടന്നുകൊണ്ടിരിക്കുന്ന ഇന്ത്-ഓസീസ് ടി20 പമ്പരയിലും റിങ്കു തന്നെയാണ് താരം. ഇപ്പോഴിതാ റിങ്കു സിംഗ് ബാറ്റ് ചെയ്യുന്നത് കാണാന്‍ താന്‍ ഇന്ത്യ-ഓസ്ട്രേലിയ സീരീസ് കാണുന്നുവെന്ന് വെളിപ്പെടുത്തിയിരിക്കുകയാണ് വിന്‍ഡീസ് താരവും കെകെആറില്‍ റിങ്കുവിന്റെ സഹതാരവുമായ ആന്ദ്രെ റസ്സല്‍.
‘ഞാന്‍ ഇന്ത്യ-ഓസ്ട്രേലിയ ടി20 മത്സരങ്ങള്‍ കാണുന്നുണ്ട്. എനിക്ക് എന്തെങ്കിലും നഷ്ടമായാല്‍, ഹൈലൈറ്റുകളിലേക്ക് ഞാന്‍ ട്യൂണ്‍ ചെയ്യുന്നു. അത് കൂടുതലും റിങ്കുവിനായാണ്. റിങ്കു ചെയ്യുന്ന കാര്യങ്ങളില്‍ എനിക്ക് അത്ഭുതമില്ല. കുറച്ച് വര്‍ഷങ്ങള്‍ക്ക് മുമ്പ് അദ്ദേഹം കെകെആറില്‍ ചേര്‍ന്നു. പരിശീലന ഗെയിമുകളിലോ നെറ്റ്സിലോ അദ്ദേഹം ബാറ്റ് ചെയ്യുമ്പോഴെല്ലാം ഞങ്ങള്‍ അവന്റെ സാധ്യതകള്‍ കണ്ടു.
അവന് വലിയ ഷോട്ടുകള്‍ കളിക്കാനാകും. അദ്ദേഹം ഒരു മികച്ച ടീം മാന്‍ ആയിരുന്നു. കളിയോട് വളരെയധികം അഭിനിവേശമുള്ള താരമാണ് അവന്. വര്‍ഷങ്ങള്‍ കഴിയുന്തോറും അദ്ദേഹം കൂടുതല്‍ മെച്ചപ്പെടുകയും കൂടുതല്‍ മികച്ച കളിക്കാരനാകുകയും ചെയ്യുമെന്ന് ഞാന്‍ കരുതുന്നു- റസ്സല്‍ പറഞ്ഞു.
2023 ഐപിഎല്‍ സീസണില്‍ യാഷ് ദയാലിനെതിരെ തുടര്‍ച്ചയായി അഞ്ച് സിക്സറുകള്‍ പറത്തി കൊല്‍ക്കത്ത നൈറ്റ് റൈഡേഴ്സിന് (കെകെആര്‍) അസംഭവ്യമായ വിജയത്തിന് തിരക്കഥയൊരുക്കിയതിന് ശേഷമാണ് 26-കാരന്‍ റിങ്കു ശ്രദ്ധനേടിയത്. ഐപിഎല്ലിലെ അദ്ദേഹത്തിന്റെ ഉജ്ജ്വലമായ ഓട്ടം അദ്ദേഹത്തിന് ദേശീയ കോള്‍-അപ്പും നേടിക്കൊടുത്തു. 2018 ഓഗസ്റ്റില്‍ അയര്‍ലന്‍ഡിനെതിരായ ടി20 ഐയില്‍ അദ്ദേഹം അന്താരാഷ്ട്ര അരങ്ങേറ്റം കുറിച്ചു.
ഓസ്ട്രേലിയയ്ക്കെതിരെ നടന്നുകൊണ്ടിരിക്കുന്ന അഞ്ച് മത്സരങ്ങളുടെ ടി20 പരമ്പരയിലും താരം മികച്ച പ്രകടനമാണ് കാഴ്ചവയ്ക്കുന്നത്. ഇതില്‍ ഒന്നും രണ്ടുംനാലും കളില്‍ 22* (14 ബോളില്‍), 31* (9 ബോളില്‍), 46 (29 ബോളില്‍) എന്നിങ്ങനെയാണ് റിങ്കുവിന്റെ പ്രകടനം.