വിരാട് കോഹ്‌ലിയുമായുള്ള സംഭാഷണവും ഇന്ത്യൻ ഇതിഹാസത്തിൽ നിന്ന് രണ്ടാം തവണയും തനിക്ക് ബാറ്റ് കിട്ടിയതെങ്ങനെയെന്നും സ്റ്റാർ ഇന്ത്യ ബാറ്റർ റിങ്കു സിംഗ് വെളിപ്പെടുത്തി. ഫിറ്റ്നസ് നിലനിർത്താൻ വിരാട് കോഹ്‌ലിയെ പോലെ നല്ല ഡയറ്റ് പ്ലാൻ പിന്തുടരുന്നതായും റിങ്കു സിംഗ്. വിരാട് കോഹ്‌ലിയും റിങ്കു സിംഗും തമ്മിലുള്ള സൗഹൃദം ഐപിഎൽ 2024 ലെ ഏറ്റവും വലിയ ചർച്ചാ പോയിൻ്റുകളിൽ ഒന്നായിരുന്നു.
റിങ്കു ബാറ്റ് ഒരെണ്ണം ചോദിച്ചതിന് ശേഷം കോഹ്‌ലി തൻ്റെ ബാറ്റ് താരത്തിന് നൽകിയതോടെയാണ് ഇത് ആരംഭിച്ചത്. വീഡിയോ എല്ലാവരുടെയും ശ്രദ്ധ പിടിച്ചുപറ്റി. നിർഭാഗ്യവശാൽ, നെറ്റ്സിൽ ഒരു വലിയ ഷോട്ടിന് ശ്രമിക്കുന്നതിനിടെ റിങ്കുവിൻ്റെ കോഹ്‌ലി തന്ന ബാറ്റ് തകർന്നു. ശേഷം തനിക്ക് കോഹ്‌ലി തന്ന ബാറ്റ് പൊട്ടിപ്പോയെന്ന് കോഹ്‌ലിയെ കണ്ടപ്പോൾ താരം പറഞ്ഞു.
തൻ്റെ ബാറ്റ് നെറ്റ്സിൽ ഒടിഞ്ഞത് അറിഞ്ഞപ്പോൾ കോഹ്‌ലി അത്ഭുതപ്പെട്ടു. കോഹ്‌ലി ആദ്യം ദേഷ്യത്തോടെയാണ് നോക്കിയതെങ്കിലും പിന്നീട് യുവതാരത്തിന് ഒരു പുതിയ ബാറ്റ് കൊടുക്കുക ആയിരുന്നു.
ന്യൂസ് 24-നുമായുള്ള ഒരു ഹ്രസ്വ ചാറ്റിനിടെ, വിരാട് കോഹ്‌ലിയുമായുള്ള സംഭാഷണം റിങ്കു പങ്കിട്ടു. ആദ്യ ബാറ്റ് പൊട്ടിയതിന് ശേഷം പുതിയൊരു ബാറ്റ് ലഭിക്കുമെന്ന് പ്രതീക്ഷിച്ചിരുന്നില്ലെന്ന് അദ്ദേഹം വെളിപ്പെടുത്തി. “അവൻ വളരെ സീനിയറായതിനാൽ അവനെ സമീപിക്കാൻ എനിക്ക് കുറച്ച് പേടിയായിരുന്നു. പൊട്ടിയ ബാറ്റ് കാണിക്കാൻ ഞാൻ പോയിരുന്നു. അവനിൽ നിന്ന് ഒരു പുതിയ ബാറ്റ് ലഭിക്കുമെന്ന് ഞാൻ പ്രതീക്ഷിച്ചില്ല. ” റിങ്കു കോഹ്‌ലിയുമായുള്ള സംഭാഷണത്തിൽ വെളിപ്പെടുത്തി.
” സീസണിൽ അദ്ദേഹം എനിക്ക് ബംഗളൂരുവിൽ ആദ്യത്തെ ബാറ്റ് തന്നു. ഞാൻ അവനോട് ചോദിച്ചപ്പോൾ ആണ് എനിക്ക് ബാറ്റ് തന്നത്. എന്നാൽ ആ ബാറ്റ് പൊട്ടിയപ്പോൾ അദ്ദേഹം എനിക്ക് പുതിയ ബാറ്റ് തരുമെന്ന് കരുതിയില്ല.” താരം പറഞ്ഞ് അവസാനിപ്പിച്ചു.
