ഇന്ത്യയ്ക്കെതിരായ ആദ്യ രണ്ട് ഏകദിന പരമ്പരകള് കൈവിട്ട് ശ്രീലങ്ക മൂന്നാം ഏകദിനത്തില് മികച്ച തിരിച്ചുവരവാണ് നടത്തിയത്. മൂന്നാം ഏകദിനത്തില് ഇന്ത്യയെ തോല്പ്പിച്ച് അതിഥേയര് മാനംകാത്തു. മത്സരത്തിനിടെ മഴ കളി തടസപ്പെടുത്തിയപ്പോള് ശ്രീലങ്കന് നായകന് ദസുന് ഷനക രാഹുലിന്റെ അടുത്തെത്തി സംസാരിച്ചത് ഏറെ ശ്രദ്ധ നേടിയിരുന്നു. ഇപ്പോഴിതാ ഇവര് സംസാരിച്ചതെന്തെന്ന് പുറത്തുവന്നിരിക്കുകയാണ്.
“നിങ്ങള് ടീമിനെ നന്നായി നയിക്കുന്നെന്നും, ടീം മുഴുവന് പ്രശംസനീയമായ പ്രകടനമാണ് കാഴ്ചവയ്ക്കുന്നതുമെന്നാണ് ദ്രാവിഡ് ഷനകയോട് പറഞ്ഞത്. “വളരെയധികം മെച്ചപ്പെട്ട ശ്രീലങ്ക ഇന്ത്യന് ടീമിനെ ഇന്ത്യ അതിശയിപ്പിച്ചുവെന്നും രണ്ടാം ഏകദിനത്തില് അതു വ്യക്തമായതായും ദ്രാവിഡ് ഷനകയോട് പറഞ്ഞു.
ദ്രാവിഡ് സംസാരിക്കുന്നത് കൈകെട്ടി കേട്ടുനില്ക്കുന്ന ഷനകയുടെ ചിത്രങ്ങള് സോഷ്യല് മീഡിയയില് വൈറലായിരുന്നു. മഴയ്ക്ക് ശേഷം കളി പുനരാംരംഭിച്ചപ്പോള് ഇന്ത്യന് ബാറ്റിംഗ് നിര തകരുന്ന കാഴ്ചയാണ് കണ്ടത്. 147 ന് മൂന്ന് എന്ന നിലയില് കളി ആരംഭിച്ച ഇന്ത്യ 227 റണ്സില് ഓള്ഔട്ടായിരുന്നു.
മഴ കാരണം 47 ഓവറായി ചുരുക്കിയ മത്സരത്തില് ഇന്ത്യ മൂന്ന് വിക്കറ്റിനാണ് പരാജയപ്പെട്ടത്. ഇന്ത്യ മുന്നോട്ടുവെച്ച 228 റണ്സിന്റെ വിജയലക്ഷ്യം 48 ബോളുകല് ബാക്കി നില്ക്കെ 7 വിക്കറ്റ് നഷ്ടപ്പെടുത്തി ശ്രീലങ്ക മറികടന്നു.