ഐപിഎൽ 2022-ൽ സൺറൈസേഴ്സ് ഹൈദരാബാദ് അവരുടെ ഫോമിലല്ലാത്ത ക്യാപ്റ്റൻ കെയ്ൻ വില്യംസണെ പുറത്താക്കണമെന്ന് പിയൂഷ് ചൗള ആവശ്യപ്പെടുന്നു. ന്യൂസിലൻഡ് താരം ഒരുപാട് ഡെലിവറികൾ പാഴാക്കിക്കൊണ്ടിരിക്കുന്നതിൽ നിരാശ പ്രകടിപ്പിച്ച ചൗള ഈ മെല്ലെപോക്ക് ഇത് തന്റെ ഓപ്പണിംഗ് പങ്കാളിയായ അഭിഷേക് ശർമ്മയെയും ടീമിലെ മറ്റുള്ളവരെയും സമ്മർദത്തിലാകുമെന്നുണ്ടെന്നും പറഞ്ഞു.
ഈ സീസണിൽ 12 മത്സരങ്ങളിൽ നിന്ന് 208 റൺസാണ് വില്യംസൺ നേടിയത്. ശരാശരിയാകട്ടെ വെറും 18.91 മാത്രമാണ്. അദ്ദേഹത്തിന്റെ സ്ട്രൈക്ക് റേറ്റ് ആകട്ടെ നൂറിൽ താഴെയും. സീസൺ തുടക്കത്തിൽ മുൻനിരയിൽ ഉണ്ടായിരുന്ന ടീം പിന്നോട്ട് പോകാനും കാരണം വില്യംസന്റെ മോശം ഫോം തന്നെയാണ്.
“അവർ 180+ സ്കോറുകൾക്ക് പോയപ്പോഴെല്ലാം, ബാറ്റിംഗ് അവ്യക്തമായി കാണപ്പെട്ടു. അതിന് ഒരു പ്രധാന കാരണം ഓപ്പണിംഗ് കൂട്ടുകെട്ടാണ്. നിങ്ങൾ 180+ പിന്തുടരുമ്പോൾ, ഓപ്പണിംഗ് കൂട്ടുകെട്ട് വളരെ പ്രധാനമാണ്. ഇവിടെ, അഭിഷേക് ശർമ്മ വളരെ നന്നായി ബാറ്റ് ചെയ്യുന്നു. കെയ്ൻ വില്യംസണിന്റെ പിന്തുണ അയാൾക്ക് ലഭിക്കുന്നില്ല, വില്യംസൺ ഷോട്ടുകൾ കളിക്കാൻ ഒരുപാട് പന്തുകൾ എടുക്കുന്നു.പന്തും വേസ്റ്റ് ചെയ്തിട്ടും അവൻ പുറത്താകുന്നില്ല .”
“ഹൈദരാബാദ് അദ്ദേഹത്തെ ക്യാപ്റ്റനാക്കി, പക്ഷേ ഇപ്പോൾ ഒരു മാറ്റം വരുത്തേണ്ട സമയം ആയിരിക്കുന്നു.” ഒരു താരം പൂർണ്ണമായി ഫോമിലല്ലെങ്കിൽ അയാൾ എത്ര മിടുക്കൻ ആണെങ്കിലും അവനെ ഒഴിവാക്കണം. നിങ്ങൾക്ക് അദ്ദേഹത്തിന് വിശ്രമം നൽകുകയും അവന്റെ സ്ഥാനത്ത് മറ്റൊരാളെ കൊണ്ടുവരികയും ചെയ്യാം. പുതിയ ഒരു താരം വന്നാൽ മാത്രമേ ശരിയാകൂ, വില്യംസൺ ഒട്ടും ഫോമിൽ അല്ല.”
ഇന്ന് നടക്കുന്ന മത്സരത്തിൽ മുബൈയാണ് ഹൈദെരാബാദിന്റെ എതിരാളികൾ.