പഞ്ചാബ് കിംഗ്‌സ് (പിബികെഎസ്) ക്യാപ്റ്റൻ ശിഖർ ധവാൻ പൊതു വളരെ കൂളാണ് . ടീമിലെടുത്താലും എടുത്തില്ലെങ്കിലും അദ്ദേഹത്തിന്റെ മനോഭാവത്തിൽ മാറ്റങ്ങൾ ഉണ്ടാകില്ല. അതേസമയം കുറിക്ക് കൊള്ളുന്ന മറുപടികൾ നൽകാനും മിടുക്കനാണ്. അടുത്തിടെ ട്വീറ്റുകളിലൊന്നിൽ തന്നെ ട്രോളിയ പ്രശസ്ത കമന്റേറ്റർ ഹർഷ ഭോഗ്ലെയെ ധവാൻ കളിയാക്കി. എന്തായാലും കൃത്യ സമയത്തുള്ള താരത്തിന്റെ മറുപടി ആരാധകർ ഏറ്റെടുത്ത് കഴിഞ്ഞു.
ഇന്നലെ രാജീവ് ഗാന്ധി ഇന്റർനാഷണൽ സ്റ്റേഡിയത്തിൽ സൺറൈസേഴ്സ് ഹൈദരാബാദിനെതിരെ ധവാൻ 66 പന്തിൽ 150 സ്ട്രൈക്ക് റേറ്റിൽ പുറത്താകാതെ 99 റൺസ് നേടിയതിന് ശേഷമായിരുന്നു ധവാന്റെ തഗ് പ്രതികരണം.
തന്റെ കരിയറിലെ തന്നെ ഏറ്റവും മികച്ച ഇന്നിങ്‌സുകളിൽ ഒന്ന് കളിച്ച ധവാൻ 12 ഫോറുകളും അഞ്ച് സിക്‌സറുകളും അടിച്ച് ടീമിനെ 20 ഓവറിൽ 143/9 എന്ന മാന്യമായ സ്‌കോർ രേഖപ്പെടുത്താൻ സഹായിച്ചു, മറുവശത്ത് വിക്കറ്റുകൾ വീണുകൊണ്ടിരുന്നപ്പോൾ ആയിരുന്നു ഈ പ്രതികരണം.
മത്സരത്തിൽ പിബികെഎസ് എട്ട് വിക്കറ്റിന് തോറ്റെങ്കിലും ധവാന്റെ പോരാട്ടവീര്യത്തിന് “പ്ലെയർ ഓഫ് ദി മാച്ച്” ആയി തിരഞ്ഞെടുക്കപ്പെട്ടു.
മത്സരത്തിന് ശേഷമുള്ള പ്രസന്റേഷൻ ഷോയിൽ , ധവാൻ ഭോഗ്ലെയെ കളിയാക്കി രംഗത്ത് എത്തി: “എന്റെ സ്ട്രൈക്ക് റേറ്റിൽ നിങ്ങൾ ഇപ്പോൾ സന്തുഷ്ടരായിരിക്കുമെന്ന് ഞാൻ പ്രതീക്ഷിക്കുന്നു.” ഇതിന് മറുപടിയായി ഭോഗ്ലെപറഞ്ഞു: ” ഞാൻ അത് പറഞ്ഞത് തികച്ചും വ്യത്യസ്തമായ ഒരു സാഹചര്യത്തിലായിരുന്നു,” ഇരുവരും പൊട്ടിച്ചിരിച്ചു.
അറിയാത്തവർക്കായി, രാജസ്ഥാൻ റോയൽസിനെതിരായ (ആർആർ) പിബികെഎസിന്റെ അവസാന മത്സരത്തിൽ ധവാന്റെ സ്ട്രൈക്ക് റേറ്റിനെ ഭോഗ്ലെ ചോദ്യം ചെയ്തിരുന്നു.
ആ സമയത്ത് , ധവാൻ 100 സ്ട്രൈക്ക് റേറ്റിൽ മാത്രമാണ് കളിച്ചത്. ഒടുവിൽ ഇന്നിംഗ്സ് അവസാനം 56 പന്തിൽ ഒമ്പത് ബൗണ്ടറികളും മൂന്ന് സിക്‌സറുകളും ഉൾപ്പെടെ 86* റൺസ് താരം നേടി. ആ മത്സരത്തിൽ പിബികെഎസ് അഞ്ച് റൺസിന് വിജയിച്ചു.
ഒരു ട്വീറ്റ് പോസ്റ്റിൽ ഭോഗ്ലെ എഴുതി:
“ശിഖർ ധവാന്റെ ഇന്നിംഗ്സ് അവസാനം നല്ല രീതിയിൽ കഴിഞ്ഞെങ്കിലും തുടക്കം മോശമായിരുന്നു. നിങ്ങൾക്ക് എ സ്ട്രൈക്കെ റേറ്റിൽ കളിക്കുന്നത് കൊണ്ട് പ്രത്യേകിച്ച് ഗുണങ്ങൾ ഒന്നും ഉണ്ടാകില്ല എന്ന കാര്യം ഉറപ്പ് പറയാം.”