ക്രിക്കറ്റ് ലോകത്തെ ഞെട്ടിപ്പിക്കുന്ന വെളിപ്പെടുത്തലുകളുമായി സീ ന്യൂസ് നടത്തിയ അന്വേഷണത്തില് കുടുങ്ങിയ ഇന്ത്യന് ചീഫ് സെലക്ടര് ചേതന് ശര്മ്മ രാജിവെച്ചിരിക്കുകയാണ്. ഇതോടെ ബോര്ഡര് ഗവാസ്കര് ട്രോഫിയുടെ അവസാന രണ്ട് ടെസ്റ്റുകള്ക്കുള്ളതും ഏകദിന പരമ്പരയ്ക്കുള്ളതുമായ ടീം സെലക്ഷന് ഇപ്പോള് അനിശ്ചിതത്വത്തിലായിരിക്കുകയാണ്. ടീം സെലക്ഷനായി യോഗം ചേരാനിരിക്കെയാണ് വിവാദ പരാമര്ശങ്ങള് പുറത്തുവന്നതും, അത് ചേതന് ശര്മ്മയുടെ രാജിയിലേക്ക് നയിച്ചിരിക്കും.
ചേതന് ശര്മ്മയുടെ വെളിപ്പെടുത്തലില് രോഹിത് ശര്മ്മ, ഹാര്ദ്ദിക് പാണ്ഡ്യ എന്നിവര് തങ്ങളുടെ അസ്വസ്തത ബിസിസിഐയെ അറിയിച്ചെന്നാണ് പുറത്തുവരുന്ന വിവരം. ഇരുവരും ചേതന് ശര്മ്മയെ വിളിച്ച് ദേഷ്യപ്പെട്ടതായും റിപ്പോര്ട്ടുകള് പുറത്തുവന്നിട്ടുണ്ട്. ഇതിന് പിന്നാലെയാണ് ചേതന് ശര്മ്മയുടെ രാജി.
ബിസിസിഐ സെക്രട്ടറി ജയ് ഷായ്ക്കാണ് ചേതന് ശര്മ രാജിക്കത്ത് അയച്ചത്. ജയ് ഷാ രാജിക്കത്ത് സ്വീകരിച്ചതായി വാര്ത്താ ഏജന്സിയായ എഎന്ഐ റിപ്പോര്ട്ട് ചെയ്തു. ആദ്യ വട്ടം ചീഫ് സിലക്ടറെന്ന നിലയില് കാലാവധി പൂര്ത്തിയാക്കിയ ചേതന് ശര്മയെ, കഴിഞ്ഞ മാസമാണ് ബിസിസിഐ വീണ്ടും അതേ സ്ഥാനത്തേക്ക് നിയമിച്ചത്.
ഇന്ത്യൻ ക്രിക്കറ്റ് സമീപകാലത്ത് കടന്നുപോയ അല്ലെങ്കിൽ ചർച്ച ചെയ്ത പല വിഷയങ്ങളിലൂടെയുമാണ് ചേതൻ ശർമ്മ സംസാരിച്ചത്. ഇതിൽ ഏറ്റവും പ്രധാനം ഇന്ത്യൻ ക്രിക്കറ്റിന് പിടിച്ചുകുലുക്കിയ ക്യാപ്റ്റൻസി വിവാദമായിരുന്നു, വിരാട് കോഹ്ലിയെ നായക സ്ഥാനത്ത് നിന്നും നീക്കം ചെയ്തതുമായി ബന്ധപ്പെട്ട് നിറഞ്ഞ വാർത്തകളെക്കുറിച്ച് ചേതൻ ശർമ്മ പറയുന്നത് ഇങ്ങനെ-