IND VS ENG: മര്യാദയ്ക്ക് കളിച്ചില്ലെങ്കിൽ ടീമിൽ നിന്ന് പുറത്താക്കും, യുവതാരത്തിന് മുന്നറിയിപ്പുമായി ​ഗംഭീർ, ഇന്ത്യൻ ടീമിൽ സംഭവിക്കുന്നത്

ഇം​ഗ്ലണ്ടിനെതിരായ അഞ്ച് മത്സരങ്ങൾ അടങ്ങുന്ന ടെസ്റ്റ് പരമ്പരയ്ക്കായുളള ഒരുക്കങ്ങളിലാണ് ഇന്ത്യൻ ടീം. ഇതിനായി കുറച്ചുദിവസം മുൻപ് തന്നെ ടീം ഇം​ഗ്ലണ്ടിൽ എത്തിയിരുന്നു. യുവനിരയ്ക്ക് പ്രാധാന്യം നൽകിയുളള ലൈനപ്പാണ് ഇത്തവണ ഇന്ത്യയുടേത്. ശുഭ്മാൻ ​ഗിൽ ക്യാപ്റ്റനായ ടീമിൽ പ്രതിഭയുളള നിരവധി താരങ്ങളുണ്ട്. ഇം​ഗ്ലണ്ടിനെതിരെ ഓപ്പണർമാരായി യശസ്വി ജയ്സ്വാളും കെഎൽ രാഹുലും തന്നെ ഇറങ്ങാനാണ് സാധ്യത. വലിയ സമ്മർദമാണ് നിലവിൽ ഇന്ത്യൻ ബാറ്റർമാർക്ക് പരമ്പരയ്ക്ക് മുന്നോടിയായുളളത്. ആതിഥേയർ എന്ന നിലയിൽ സീരീസിൽ ഇം​ഗ്ലണ്ടിനാണ് മുൻതൂക്കമുളളത്.

ഇം​ഗ്ലണ്ടിൽ അവസാനം നടന്ന ടെസ്റ്റ് പരമ്പര 2-2 എന്ന നിലയിലാണ് അവസാനിച്ചത്. ഫാസ്റ്റ് ബോളർമാരെ കൂടുതൽ സഹായിക്കുന്ന പിച്ചുകളാണ് ഇം​ഗ്ലണ്ടിലുളളത്. അതുകൊണ്ട് തന്നെ ഇം​ഗ്ലീഷ് ബോളർമാരെ അവരുടെ തട്ടകത്തിൽ നേരിടുക എന്നത് ഇന്ത്യൻ ബാറ്റർമാർക്ക് വലിയ വെല്ലുവിളിയാവും. ഇം​ഗ്ലണ്ടിൽ ഇതുവരെ കളിച്ചിട്ടില്ലാത്ത താരമാണ് ജയ്സ്വാൾ. അതുകൊണ്ട് തന്നെ നല്ല സമ്മർദമുണ്ടാവുക താരത്തിനായിരിക്കും.

ഇം​ഗ്ലണ്ട് ലയൺസിനെതിരായ സന്നാ​ഹ മത്സരത്തിൽ ഇന്ത്യ എ ടീമിനായി ജയ്സ്വാൾ കളിച്ചിരുന്നു. 24, 64, 17, 5 എന്നീ സ്കോറുകളാണ് സന്നാഹത്തിൽ ജയ്സ്വാൾ നേടിയത്. ഇന്ത്യൻ ടീമിൽ റിസർവ് ഓപ്പണറായുളള അഭിമന്യൂ ഈശ്വരൻ സന്നാഹ മത്സരങ്ങളിൽ മിന്നുംഫോമിലായിരുന്നു. തുടർച്ചയായി അർധസെഞ്ച്വറികൾ താരം നേടി. അതേസമയം തന്നെ ഒറ്റ സന്നാഹമേ കളിച്ചിട്ടുളളൂവെങ്കിലും ഒരു സെഞ്ച്വറിയും ഒരു അർധസെഞ്ച്വറിയുമാണ് കെഎൽ രാഹുൽ നേടിയത്.

ഇതാണ് ജയ്സ്വാളിന് സമ്മർദം കൂട്ടൂന്നത്. പരിശീലന സമയത്തിനിടെ കോച്ച് ​ഗൗതം ​ഗംഭീർ ജയ്സ്വാളിനോട് രണ്ട് തവണ ദീർഘനേരം സംസാരിച്ചിരുന്നു. കൂടാതെ കൂടുതൽ സമയം നെറ്റ്സിൽ ജയ്സ്വാൾ ബാറ്റിങ് പ്രാക്ടീസ് നടത്തുകയും ചെയ്തു. ഫാസ്റ്റ്, സ്വിങ്, സ്പിൻ തുടങ്ങി എല്ലാതരും ബോളുകളും നേരിട്ടായിരുന്നു യുവതാരത്തിന്റെ ട്രെയിനിങ്.

Latest Stories

‘സ്കൂൾ സമയമാറ്റം പിൻവലിക്കുന്നത് പരിഗണനയിൽ ഇല്ല, തീരുമാനം കോടതി നിർദ്ദേശപ്രകാരം എടുത്തത്’; മന്ത്രി വി ശിവൻകുട്ടി

ഏഷ്യാ കപ്പിന് മുന്നോടിയായി തന്ത്രപരമായ നീക്കത്തിന് ശ്രമിച്ച് പാകിസ്ഥാൻ, അപമാനിച്ച് വിട്ട് ക്രിക്കറ്റ് വെസ്റ്റ് ഇൻഡീസ്

തത്സുകിയുടെ ഒരൊറ്റ പ്രവചനം; ജപ്പാന് നഷ്ടമായത് 30,000 കോടി, സുനാമി പ്രവചനത്തിൽ തകർന്ന് ടൂറിസം മേഖല

'മെഡിക്കൽ കോളേജ് കെട്ടിടം ആരോഗ്യ മന്ത്രി വന്ന് ഉരുട്ടി ഇട്ടതാണോ? ഒരപകടമുണ്ടായാൽ ആ വകുപ്പിലെ മന്ത്രി രാജി വെക്കണം എന്നാണോ'; വി എൻ വാസവൻ

ബുംറയ്ക്കൊപ്പം ഇന്ത്യൻ ഡഗൗട്ടിൽ ഒരു അപരിചിത!!, ആ സുന്ദരി ആരെന്ന് തലപുകച്ച് ആരാധകർ, ഇതാ ഉത്തരം

ട്വന്റി 20 ഇന്നാണ് ഇറങ്ങിയതെങ്കിൽ 150 കോടി കലക്ഷൻ നേടുമായിരുന്നു. അന്ന് സംഭവിച്ചത് പറഞ്ഞ് ദിലീപ്, വലിയ ചിത്രം എടുക്കുമ്പോഴുളള ബുദ്ധിമുട്ടിനെ കുറിച്ച് താരം

ശരിക്കുമുള്ള ക്രിക്കറ്റ് നീ കളിക്കാൻ പോകുന്നതേയുള്ളു മോനേ...: 14 കാരൻ താരത്തിന് മുന്നറിയിപ്പുമായി ശിഖർ ധവാൻ

വി എസ് അച്യുതാനന്ദന്റെ നില മാറ്റമില്ലാതെ തുടരുന്നു; മെഡിക്കൽ ബുളളറ്റിൻ പുറത്തിറക്കി

'കൊവിഡ് രോഗികളെ രക്ഷിക്കാൻ ശ്രമിച്ചപ്പോൾ ഞങ്ങളെ മരണത്തിന്റെ വ്യാപാരികളാക്കിയവരാണ് സിപിഐഎമ്മും ദേശാഭിമാനിയും, അനാസ്ഥ തുറന്ന് കാണിക്കും'; തുറന്നടിച്ച് വി ഡി സതീശൻ

വീണയെ വീഴ്ത്താന്‍ തത്രപ്പെടുന്ന മാധ്യമങ്ങള്‍