ഐപിഎലില് ആര്സിബി-പഞ്ചാബ് കിങ്സ് ഫൈനല് പോരാട്ടം പുരോഗമിക്കുകയാണ്. ടോസ് നേടിയ പഞ്ചാബ് ആര്സിബിയെ ആദ്യ ബാറ്റിങ്ങിന് അയയ്ക്കുകയായിരുന്നു. ഓപ്പണിങ്ങില് വിരാട് കോഹ്ലി വളരെ ശ്രദ്ധാപൂര്വ്വമായിരുന്നു ഇന്ന് ബാറ്റ് ചെയ്തത്. 35 പന്തില് 43 റണ്സാണ് താരം നേടിയത്. മൂന്ന് ഫോര് ഉള്പ്പെടെയായിരുന്നു കോഹ്ലിയുടെ ഈ ഇന്നിങ്സ്. ഒരറ്റത്തുപിടിച്ചുനിന്ന് ഫിലിപ്പ് സാള്ട്ട്, മായങ്ക് അഗര്വാള്, രജത് പാട്ടിധാര് തുടങ്ങിയവര്ക്ക് പിന്തുണ നല്കുകയായിരുന്നു താരം.
എന്നാല് ഫൈനലില് സൂപ്പര്താരത്തിന് കുറച്ചുകൂടി വേഗത്തില് കളിക്കാമായിരുന്നുഎന്ന് പറയുകയാണ് ആരാധകര്. ടി20യില് ഏകദിനമോ ടെസ്റ്റോ അല്ല കളിക്കേണ്ടതെന്നും കോഹ്ലിയെ ആരാധകര് ഓര്മിപ്പിക്കുന്നു. ടെസ്റ്റില് നിന്നും വിരമിക്കേണ്ടായിരുന്നുവെന്നും ആ ഫോര്മാറ്റില് ഇനിയും കളിക്കാമെന്നുമാണ് കോഹ്ലിക്ക് വന്ന മറ്റൊരു ട്രോള്.
ഫൈനലില് നിശ്ചിത ഓവറില് 190 റണ്സാണ് ആര്സിബി നേടിയത്. വിരാട് കോഹ്ലി തന്നെയാണ് ടീമിന്റെ ടോപ് സ്കോറര്. ക്യാപ്റ്റന് രജത് പാട്ടിധാര്(26), ലിയാം ലിവിങ്സ്റ്റണ്(25), മായങ്ക് അഗര്വാള്(24), ജിതേഷ് ശര്മ്മ(24) തുടങ്ങിയവരും ആര്സിബിക്കായി സംഭാവന നല്കി. പഞ്ചാബിനായി കെയ്ല് ജാമിയേഴ്സണും അര്ഷ്ദീപ് സിങ്ങും മൂന്ന് വിക്കറ്റ് വീതം വീഴ്ത്തി.