ഒരു സിക്സ് വേണ്ടപ്പോൾ ധോണി രണ്ട് സിക്സ് വേണ്ടപ്പോൾ തെവാട്ടിയ, പക്ഷെ; കൊൽക്കത്തയുടെ ട്വീറ്റ് ഏറ്റെടുത്ത് ആരാധകർ

ഇപ്പോൾ റിങ്കു സിംഗ് എന്ന യുവതാരം എല്ലാവര്ക്കും ഹീറോയാണ്. അവിശ്വനീയമായ നേട്ടം കൈവരിച്ച അയാളെ എല്ലാവരും അഭിനന്ദിക്കുകയാണ്, ഈ ലക്ഷ്യമൊന്നും ആർക്കും നേടാൻ പറ്റില്ല എന്ന അവസ്ഥയിൽ ഭാവിയിൽ ഏതെങ്കിലും ഒരു ക്രിക്കറ്റ് മത്സരത്തിൽ താരത്തിന് തോന്നുക ആണെങ്കിൽ അവർക്ക് മാതൃക റിങ്കു ആയിരിക്കും. സ്വന്തം ടീം അംഗങ്ങൾ പോലും തോൽവി ഉറപ്പിച്ച് സങ്കടപെട്ട അവസ്ഥയിൽ നിൽക്കുമ്പോഴാണ് സ്വന്തം കഴിവിൽ ഉള്ള വിശ്വാസം ഒന്ന് കൊണ്ട് മാത്രം അയാൾ ടീമിനെ വിജയവര കടത്തിയത്.

രണ്ട് തവണ ചാമ്പ്യൻമാരായ അവർ മത്സരത്തിന്റെ അവസാന പന്തിൽ 205 റൺസിന്റെ ചേസ് പൂർത്തിയാക്കിയപ്പോൾ റിങ്കു 21 പന്തിൽ 48 റൺസുമായി പുറത്താകാതെ നിന്നു. റിങ്കുവിന്റെ കഴിവിൽ സംശയമില്ലെങ്കിലും, അവസാന 5 പന്തിൽ 28 റൺസ് നേടുക എന്നത് ഏതൊരു ബാറ്റ്സ്മാനും ബുദ്ധിമുട്ടുള്ള കാര്യമാണ്.

റിങ്ക് അവസാന ഓവറിൽ അചിന്തനീയമായത് ചെയ്യുകയും യാഷ് ദയാലിന്റെ പന്തിൽ അഞ്ച് സിക്‌സറുകൾ പറത്തി ടീമിനെ വിജയവരാ കടത്തിയപ്പോൾ ട്വിറ്റര് ലോകം ആഘോഷിച്ചു. പല മുൻ ക്രിക്കറ്റ് താരങ്ങളും റിങ്കുവിനെ അഭിനന്ദിച്ചപ്പോൾ, കെകെആറിന്റെ ട്വീറ്റാണ് ആരാധകർ ഏറ്റെടുത്തത്.

റിങ്കുവിനായി കൊൽക്കത്ത നൈറ്റ് റൈഡേഴ്സ് രസകരമായ ഒരു ട്വീറ്റ് ചെയ്യുകയും അതിൽ എംഎസ് ധോണിയെ പരാമർശിക്കുകയും ചെയ്തു. “6 റൺസ് ജയിക്കാൻ വേണ്ടപ്പോൾ – ധോണി; 6, 6 വേണ്ടപ്പോൾ ജയിക്കാൻ – 6, 6, 6, 6, 6 മത്സരം ജയിക്കാൻ – റിങ്കു സിംഗ് മാത്രം!” ഫ്രാഞ്ചൈസി എഴുതി. കെകെആറിന്റെ ട്വീറ്റ് സോഷ്യൽ മീഡിയയിൽ വൈറലാണ്, രണ്ട് മണിക്കൂറിനുള്ളിൽ 5k-ലധികം ആളുകൾ ഇത് റീട്വീറ്റ് ചെയ്തു.