ഈ സീസണില്‍ ഏറെ നിരാശപ്പെടുത്തുന്ന പ്രകടനം നടത്തുന്ന ഡല്‍ഹി ക്യാപിറ്റല്‍സ് ഡേവിഡ് വാര്‍ണറെ നായക സ്ഥാനത്തുനമിന്ന് മാറ്റണമെന്ന് സുനില്‍ ഗവാസ്‌കര്‍. പകരം ഓള്‍റൗണ്ടര്‍ അക്‌സര്‍ പട്ടേലിനെ നായകനാക്കണമെന്നാണ് ഗവ്‌സാകര്‍ പറയുന്നത്. ഈ നീക്കം ഇന്ത്യന്‍ ക്രിക്കറ്റിനും ഗുണം ചെയ്യുമെന്നാണ് ഗവാസ്‌കര്‍ പറയുന്നത്.
അക്ഷര്‍ പട്ടേലിനെ ഡല്‍ഹി നായകനാക്കണമെന്നാണ് കരുതുന്നത്. സത്യസന്ധനായ താരമാണ് അക്‌സര്‍. സമീപകാലത്തായി നന്നായി കളിക്കുന്നുണ്ട്. ഒരു ഫ്രാഞ്ചൈസിയുടെ നായകനായി കളിച്ച് തിളങ്ങാനായാല്‍ അക്ഷറിനും ഇന്ത്യക്കും അത് ഗുണം ചെയ്യും. ദീര്‍ഘകാലത്തെ കാഴ്ചപ്പാടോടെയാണ് ഇത് ചെയ്യേണ്ടത് സുനില്‍ ഗവാസ്‌കര്‍ പറഞ്ഞു.
എന്നാല്‍ അക്ഷറിനെ നായകനാക്കുന്നത് ഡല്‍ഹിക്ക് വലിയ ഗുണം ചെയ്യുമെന്ന് പറയാനാവില്ല. നായകസ്ഥാനം ലഭിക്കുന്നത് അക്‌സറിനെ സമ്മര്‍ദ്ദത്തിലാക്കാനാണ് സാധ്യത കൂടുതല്‍. നായകനെന്ന നിലയില്‍ വലിയ അനുഭവസമ്പത്തില്ലാത്ത താരം കൂടിയാണ് അക്‌സര്‍.
റിഷഭ് പന്തിന്റെ അഭാവത്തില്‍ ഡേവിഡ് വാര്‍ണറെ നായകനാക്കിയാണ് ഇത്തവണ ഡല്‍ഹി ഇറങ്ങിയത്. ഈ സീസണില്‍ കളിച്ച ആദ്യത്തെ അഞ്ച് മത്സരവും തോറ്റ ഡല്‍ഹി അവസാനം കളിച്ച രണ്ട് മത്സരത്തില്‍ മാത്രമാണ് ജയിച്ചത്. ഏഴ് കളികളില്‍നിന്ന് നാല് പോയിന്റുമായി ഏറ്റവും അവസാന സ്ഥാനത്താണ് അവര്‍.