ഏഴ് സെക്ഷനിൽ മുന്നിൽ, ജയിക്കുമെന്ന് എല്ലാവരും കരുതിയ നിമിഷം. എന്നാൽ കാര്യങ്ങൾ ഇന്ത്യയുടെ കൈവിട്ടത് ഒരു സെക്ഷൻ കൊണ്ട്. ഒന്നര ദിവസം ബാക്കി നില്ക്കെ 378 എന്ന വിജയലക്ഷ്യം ഇന്ത്യ മുന്നോട്ട് വെച്ചതോടെ ഇംഗ്ലണ്ട് പതറുമെന്നാണ് എല്ലാവരും കരുതിയത്. എന്നാൽ ഒന്നാം ഇന്നിങ്സിൽ സംഭവിച്ച പിഴവുകൾ രണ്ടാം ഇന്നിങ്സിൽ ടീം തിരുത്തിയപ്പോൾ ഇന്ത്യ പതറി.
ഇന്നലെ വലിയ ലീഡ് ലക്ഷ്യമാക്കി ബാറ്റ് വീശാനിറങ്ങിയ ഇന്ത്യൻ ബാറ്റ്സ്മാന്മാരുടെ ഉത്തരവാഹിത്വം ഇല്ലാത്ത സമീപനമാണ് ഇന്ത്യക്ക് പണിയായത്. ഇഷ്ടം പോലെ സമയം ഉണ്ടായിട്ടും മോശം ഷോട്ട് സെലക്ഷൻ കാരണം താരങ്ങൾ അനാവശ്യമായി വിക്കറ്റുകൾ വലിച്ചെറിഞ്ഞു. ഇംഗ്ലണ്ടാകട്ടെ അനുകൂല സാഹചര്യങ്ങ;ൽ നന്നായി ഉപയോഗിക്കുകയും ചെയ്തു.
ഇന്ത്യയുടെ പ്രകടനവുമായി ബന്ധപ്പെട്ട അഭിപ്രായം പറയുകയാണിപ്പോൾ മുൻ ഇംഗ്ലണ്ട് നായകൻ കെവിൻ പീറ്റേഴ്സൺ. “നാലാം ദിനം ബുംറയുടെ പദ്ധതികള് കൃത്യമായിരുന്നുവെന്ന് കരുതുന്നില്ല. എല്ലാവിധ ബഹുമാനങ്ങളോടും കൂടിയാണ് ഞാനിത് പറയുന്നത്. ഇന്ത്യയുടെ ഫീല്ഡ് പ്ലേയസ്മെന്റ് വലിയ അബദ്ധമായിരുന്നു. അവസാന സെക്ഷനില് പന്തിന് തീരെ സ്വിങ് ലഭിക്കുന്നില്ലായിരുന്നു. അത് ബാറ്റ്സ്മാന് കാര്യങ്ങള് എളുപ്പമാക്കി’ – പീറ്റേഴ്സണ് പറഞ്ഞു.
ഇംഗ്ലണ്ടിന് ജയിക്കാൻ ഒരു ദിവസം മുഴുവൻ ബാക്കി നിൽക്കെ 119 റൺസ് മാത്രം മതി. അതിനാൽ തന്നെ അത്ഭുതങ്ങൾ സംഭവിച്ചില്ലെങ്കിൽ പരമ്പര സാമ്നയിലായാകും എന്നുറപ്പാണ്.