പഞ്ചാബ് കിംഗ്സ്- ഇന്ത്യൻ പ്രീമിയർ ലീഗിൻ്റെ ആദ്യ സീസൺ മുതൽ കളിക്കുന്ന ടീം ആയിരുന്നിട്ടും കിരീട ഭാഗ്യം ടീമിന് ഇതുവരെ ഉണ്ടായിട്ടില്ല. പലപ്പോഴും ലേല ഹോളിൽ എടുക്കുന്ന മോശം തീരുമാനങ്ങളാണ് ടീമിനെ ചതിച്ചത്. എന്തായാലും പുതിയ പരിശീലകനും മുൻ ലോകകപ്പ് ജേതാവുമായ റിക്കി പോണ്ടിംഗ് പരിശീലകനായി വരുമ്പോൾ തങ്ങളുടെ കഥ ഒന്ന് മാറ്റി എഴുതാൻ ടീം ആഗ്രഹിക്കുന്നു.
മെഗാ ലേലം ഇന്ന് സൗദിയിൽ നടക്കുമ്പോൾ ഏറ്റവും അധികം പണവുമായി എത്തിയ പഞ്ചാബ് ചില മികച്ച വിളികൾ നടത്തിയിരിക്കുന്നു. ശ്രേയസ് അയ്യരെ, കഴിഞ്ഞ തവണ കൊൽക്കത്തയെ കിരീടത്തിൽ എത്തിച്ച താരത്തെ 26.75 കോടി രൂപക്ക് ടീമിലെത്തിച്ച ടീം ഒരു നായകനെയും ഒരു മികച്ച ബാറ്ററെയും സ്വന്തമാക്കി. പിന്നെ ഇന്ത്യൻ പ്രീമിയർ ലീഗ് ചരിത്രത്തിലെ എറ്റവും വലിയ വിക്കറ്റ് വേട്ടക്കാരനെ ടീം 18 കോടി രൂപക്ക് പഞ്ചാബ് പാളയത്തിൽ എത്തിച്ചു.
മികച്ച വിക്കറ്റ് വേട്ടക്കാരനും തങ്ങളുടെ കഴിഞ്ഞ നാളുകളിലെ വിജയത്തിൽ പങ്ക് വഹിച്ച അർശ്ദീപിനെ 18 കോടി രൂപക്ക് ടീം ആർട്ടിഎം ഉപയോഗിച്ചു. ഇത് കൂടാതെ മികച്ച ഓൾ റൗണ്ടർമാരായ ഓസ്ട്രേലിയുടെ സ്റ്റോയിനസ്, മാക്സ്വെൽ എന്നിവരെയും ടീം യഥാക്രമം 11 കോടി, 4.20 കോടി എന്നിവരെ വിളിച്ചെടുത്ത വഴി ഓൾ റൗണ്ടർമാരുടെ വിഭാഗം സെറ്റാക്കി.
പഞ്ചാബ് എന്തായാലും മികവ് കാണിച്ചു എന്നാണ് സോഷ്യൽ മീഡിയ പറയുന്നത്..
