കരിയറിലെ നൂറാം ടെസ്റ്റിൽ ഡബിൾ സെഞ്ചുറിയടിച്ച് ഓസീസ് താരം ഡേവിഡ് വാര്‍ണർ തിളങ്ങിയപ്പോൾ ദക്ഷിണാഫ്രിക്കക്ക് എതിരെ ഓസ്ട്രേലിയ അതിനിർണായക ലീഡ് നേടി. പരമ്പരയിലെ രണ്ടാം ടെസ്റ്റിലാണ് വാർണറുടെ തകർപ്പൻ ബാറ്റിങ് പ്രകടനം. 200 റൺസ് പൂർത്തിയാക്കിയതിനു പിന്നാലെ റിട്ടയേർ‍‍ഡ് ഹര്‍ട്ടായി ബാറ്റിങ് അവസാനിപ്പിച്ചു താരം മടങ്ങിയെങ്കിലും ഓസ്ട്രേലിയ ശക്തമായ നിലയിലാണ് ഇപ്പോഴും. 254 പന്തുകളിൽനിന്നാണ് വാർണർ ഇരട്ട സെഞ്ചറി തികച്ചത്.
രണ്ടാം ടെസ്റ്റിന് ഇറങ്ങുന്നതിന് മുമ്പ് വരെ വാർണറിന്റെ ടീമിലെ സ്ഥാനവും മോശം ഫോമും ചോദ്യം ചെയ്തവർക്കുള്ള അപ്രതീക്ഷിത തിരിച്ചടിയാണ് വാർണർ നൽകിയത്. എതിരിട്ട ആദ്യ പന്ത് മുതൽ പുറത്തെടുത്ത അഗ്രസീവ് സമീപനമാണ് വാർണറിന് അർഹിച്ച നേട്ടം സമ്മാനിച്ചതും ടെസ്റ്റ് സെഞ്ചുറിക്ക് ഉള്ള 3 വർഷത്തെ കാത്തിരിപ്പ് അവസാനിപ്പിക്കാൻ സഹായിച്ചതും.
പ്രത്യേക അവസരത്തിൽ , ആതിഥേയ ബ്രോഡ്‌കാസ്റ്റർ ഫോക്സ് സ്പോർട്സ്, ഓസ്‌ട്രേലിയയ്‌ക്കായി തന്റെ 340 മത്സര കരിയറിൽ എന്താണ് നേടിയതെന്ന് ഗ്രാഫിക്സിന്റെ സഹായത്തിൽ കാണിക്കുക ആയിരുന്നു . 7922 ടെസ്റ്റ് റൺസും ഏകദിനത്തിൽ 6007 റൺസും ടി20യിൽ 2894 റൺസും നേടിയിട്ടുള്ള വാർണറുടെ കണക്കുകൾ ഫോക്സ് അവതരിപ്പിച്ചു. എന്നാൽ റൻസുകൾ കാണിക്കുന്നതിനുപകരം, അവർ ഒരു വലിയ അബദ്ധം വരുത്തി, ഇതെല്ലം വിക്കറ്റുകളായി കാണിച്ചു. 16823 വിക്കറ്റുകൾ എന്ന അബദ്ധം ശ്രദ്ധയിൽപ്പെട്ട ആരാധകരാണ് ട്വിറ്ററിൽ ഇത് ഏറ്റെടുത്തത്.
സിനിമയിൽ അസാമാന്യ കാര്യങ്ങൾ ചെയ്യുന്ന രജനികാന്ത് പോലും ഇങ്ങനെ ചെയ്യുക ഇല്ലല്ലോ എന്നാണ് റി ആരാധകൻ പറഞ്ഞത്.