പ്രവാസികളുടെ ക്ഷേമത്തിനായുള്ള മികച്ച ഇടപെടലുകള് നടത്തുന്നതിനുള്ള ഒമാന് സോഷ്യല് ക്ലബ്ബ് മലയാളം വിംഗിന്റെ അവാര്ഡ് ആസ്റ്റര് ഹോസ്പിറ്റലുകളുടെ ഒമാന്, കേരള റീജ്യണല് ഡയറക്ടര് ഫര്ഹാന് യാസിന് ലഭിച്ചു.
ആതുരസേവന രംഗത്ത് നടത്തിയ സ്തുത്യര്ഹമായ സേവനങ്ങളെ പരിഗണിച്ചാണ് അവാര്ഡിനായി ഫര്ഹാന് യാസിനെ തിരഞ്ഞെടുത്തത്. കോവിഡ് കാലത്തെ സേവനങ്ങള്, നിര്ദ്ധന കുടുംബത്തിലെ കുഞ്ഞുങ്ങള്ക്കുള്ള സൗജന്യ ശസ്ത്രക്രിയാ പദ്ധതികള് തുടങ്ങിയവ ഇതിനായി പരിഗണിക്കപ്പെട്ടു.
ഒമാനില് നടന്ന ചടങ്ങില് വെച്ച് ഇന്ത്യന് സോഷ്യല് ക്ലബ്ബ് മലയാളം വിംഗ് കണ്വീനര് ശ്രീകുമാറില് നിന്ന് ഫര്ഹാന് യാസിന് അവാര്ഡ് ഏറ്റുവാങ്ങി. ‘ഇത്തരം അംഗീകാരങ്ങള് ഞങ്ങളുടെ ഉത്തരവാദിത്വത്തെ കൂടുതല് വര്ദ്ധിപ്പിക്കുകയാണെന്നും, മികവുറ്റ പ്രവര്ത്തനങ്ങള് തുടരാനുള്ള പ്രചോദനമാണെന്നും’ അവാര്ഡ് സ്വീകരിച്ചു കൊണ്ട് ഫര്ഹാന് യാസിന് പറഞ്ഞു. ലേഖ വിനോദ്, അജിത് കുമാര് എന്നിവര് സംസാരിച്ചു.