മുന് പ്രസിഡന്റ് പര്വേസ് മുഷറഫ് മരിച്ച വാര്ത്ത പുറത്തു വന്നതിന് പിന്നാലെ പാകിസ്താനില് വന് സ്ഫോടനം. ബലൂചിസ്ഥാന് പ്രവിശ്യയിലെ ക്വറ്റയില് വന് സ്ഫോടനം ഉണ്ടായത്. ഉച്ചയ്ക്ക് 2.15നാണ് സ്ഫോടനം ഉണ്ടായത്. എഫ്സി ചെക്ക് പോസ്റ്റിന് സമീപമുണ്ടായ സ്ഫോടനത്തില് ഒരാള് മരിച്ചു. നൂറിലധികം പേര്ക്ക് പരുക്കേറ്റിട്ടുണ്ടെന്ന് പാകിസ്ഥാന് മാധ്യമമായ ഡോണ് റിപ്പോര്ട്ട് ചെയ്യുന്നു. തെഹ്രികെ താലിബാന് ആക്രമണത്തിന്റെ ഉത്തരവാദിത്വം ഏറ്റെടുത്തിട്ടുണ്ട്.
കഴിഞ്ഞ ദിവസവും പാകിസ്ഥാനില് സ്ഫോടനം ഉണ്ടായിരുന്നു. പെഷവാര് പള്ളിയില് ചാവേര്സ്ഫോടനം നടന്നിരുന്നു.. പെഷവാറിലെ പൊലീസ് ഹൗസിങ് ബ്ലോക്കിനു സമീപത്തെ മസ്ജിദിലാണു സ്ഫോടനം നടന്നത്. അപകടത്തില് 28 പേര് മരിച്ചതായും 150 പേര്ക്കു പരുക്കേറ്റിരുന്നു. സ്ഫോടനം ഉണ്ടായ സമയത്ത് 260 ഓളം പേര് പള്ളിയിലുണ്ടായിരുന്നതായി പൊലീസ് വ്യക്തമാക്കിയിരുന്നു.
മുന് പ്രസിഡന്റ് പര്വേസ് മുഷറഫ് മരിച്ച വാര്ത്ത പുറത്തു വന്ന് മണിക്കൂറുകള്ക്കുള്ളിലാണ് ഇന്ന് പാകിസ്ഥാനില് സ്ഫോടനം ഉണ്ടായത്. വൃക്കരോഗത്തെ തുടര്ന്ന് യുഎഇയില് ചികിത്സയിലായിരുന്ന അദേഹം ഇന്ന് ഉച്ചയോടെയാണ് അന്തരിച്ചത്. 2001 മുതല് 2008 വരെ പാകിസ്താന് പ്രസിഡന്റായിരുന്നു. ദീര്ഘകാലമായി രോഗബാധിതനായി ചികിത്സയിലായിരുന്നു.
1943 ആഗസ്റ്റ് 11 ഡല്ഹിയിലാണ് മുഷറഫ് ജനിച്ചത്. പ്രാഥമിക വിദ്യാഭ്യാസം കറാച്ചിയിലെ സെന്റ് പാട്രിക് ഹൈസ്കൂളില് പൂര്ത്തീകരിച്ചു. ലാഹോറിലെ ഫോര്മാന് കോളജിലായിരുന്നു ഉന്നതവിദ്യാഭ്യാസം. 1961 ഏപ്രില് 19നാണ് പാകിസ്താന് സൈന്യത്തിന്റെ ഭാഗമാവുന്നത്. സ്പെഷ്യല് സര്വീസ് ഗ്രൂപ്പിന്റെ ഭാഗമായും പ്രവര്ത്തിച്ചിട്ടുണ്ട്. 1965,1971 യുദ്ധങ്ങളിലും അദ്ദേഹം പങ്കെടുത്തു.1998ലാണ് ജനറല് റാങ്കിലേക്ക് ഉയര്ന്നത്. പിന്നീട് പാകിസ്ഥാന് സൈനികമേധാവിയായി.
പാക് സൈനിക മേധാവിയായിരുന്ന പര്വേസ് മുഷറഫ് 1999 ഒക്ടോബര് 12നു നവാസ് ഷെരീഫിനെ പുറത്താക്കിയാണ് അധികാരം പിടിച്ചെടുത്തത്. 2008 ഓഗസ്റ്റ് എട്ടിനാണ് അദ്ദേഹം അധികാരം ഒഴിഞ്ഞത്. പിന്നീട് വിദേശത്തേക്ക് പോവുകയായിരുന്നു. നാല് വര്ഷം വിദേശത്ത് താമസിച്ച മുഷറഫ് 2013 മാര്ച്ച് മാസത്തില് പാകിസ്ഥാനിലേക്ക് തിരിച്ചെത്തി.
പിന്നീടുള്ള തെരഞ്ഞെടുപ്പില് മത്സരിക്കാനായിരുന്നു ശ്രമമെങ്കിലും രണ്ട് മണ്ഡലങ്ങളില് സമര്പ്പിച്ച പത്രികകളും തള്ളപ്പെട്ടതോടെ ഈ നീക്കം ഫലം കണ്ടില്ല.2007 ല് പാകിസ്ഥാനില് അടിയന്തരാവസ്ഥ പ്രഖ്യാപിച്ച ഘട്ടത്തില് ജഡ്ജിമാരെ തടവില് പാര്പ്പിച്ചെന്ന കുറ്റത്തിന് 2013 ഏപ്രില് മാസത്തില് അദ്ദേഹത്തെ പൊലീസ് അറസ്റ്റ് ചെയ്തു. പിന്നീട് വീട്ടുതടങ്കലില് കഴിയുകയായിരുന്നു. കഴിഞ്ഞ ജൂണില് പര്വേഷ് മുഷറഫ് മരിച്ചതായി വാര്ത്തകള് പുറത്തുവന്നിരുന്നു. എന്നാല് കുടുംബം ആരോപണം നിഷേധിക്കുകയായിരുന്നു.