ദേശീയത, പിറകോട്ട് പോവുന്നതിനു പകരം, കൂടുതൽ മുന്നേറി. ഇതിന്റെ ഏറ്റവും വലിയതും ഭയപ്പെടുത്തുന്നതുമായ തിരിച്ചടി ഇന്ത്യയിൽ നിന്നാണ് ഉണ്ടയായിരിക്കുന്നത്. ഇന്ത്യയിൽ, ജനാധിപത്യപരമായി തിരഞ്ഞെടുക്കപ്പെട്ട നരേന്ദ്രമോദി ഒരു ഹിന്ദു ദേശീയ രാഷ്ട്രം സൃഷ്ടിക്കുകയാണ്, അർദ്ധ സ്വയംഭരണാധികാരമുള്ള മുസ്‌ലിം പ്രദേശമായ കശ്മീരിൽ ശിക്ഷാനടപടികൾ ചുമത്തുകയും ദശലക്ഷക്കണക്കിന് മുസ്‌ലിമുകൾക്ക് അവരുടെ പൗരത്വം നഷ്ടപ്പെടുമെന്ന് ഭീഷണിപ്പെടുത്തുകയും ചെയ്യുന്നു, ഡാവോസിൽ നടക്കുന്ന വേൾഡ് ഇക്കണോമിക് ഫോറത്തിൽ പ്രസംഗിച്ച ശതകോടീശ്വരൻ ജോർജ്ജ് സോറോസ് പറഞ്ഞു.
ആഗോള, രാഷ്ട്രീയ, സാങ്കേതിക വിഷയങ്ങളെ സൂചിപ്പിച്ചു കൊണ്ടാണ് ശതകോടീശ്വരനായ ജോർജ്ജ് സോറോസ് ദാവോസിൽ പ്രസംഗം നടത്തിയത്. തന്റെ പ്രസംഗത്തിൽ ജോർജ്ജ് സോറോസ് അമേരിക്കൻ പ്രസിഡന്റ് ഡൊണൾഡ് ട്രംപിനെയും വിമർശിച്ചു. പ്രസിഡന്റ് ട്രംപിന്റെ സാമ്പത്തിക ടീം സമ്പദ്‌വ്യവസ്ഥയെ ചൂടാക്കുന്നു. “അമിതമായി ചൂടായ സമ്പദ്‌വ്യവസ്ഥയെ കൂടുതൽ നേരം തിളപ്പിക്കാൻ കഴിയില്ല,” അദ്ദേഹം പറഞ്ഞു. “ഇതെല്ലാം തിരഞ്ഞെടുപ്പിനോടടുത്താണ് സംഭവിച്ചിരുന്നതെങ്കിൽ, അത് അദ്ദേഹത്തിന്റെ വീണ്ടുമുള്ള തിരഞ്ഞെടുപ്പിന് ഉറപ്പു നൽകുമായിരുന്നു. തിരഞ്ഞെടുപ്പ് ഇനിയും 10 മാസം അകലെയാണ്, വിപ്ലവകരമായ സാഹചര്യത്തിൽ, അതൊരു ആജീവനാന്ത കാലമാണ് എന്നതാണ് അദ്ദേഹത്തിന്റെ പ്രശ്നം, ജോർജ്ജ് സോറോസ് പറഞ്ഞു.