അയോധ്യയിലെ രാമക്ഷേത്രം സംബന്ധിച്ച് തന്റെ പ്രതികരണം ആയുധമാക്കിയ ബിജെപിക്ക് മറുപടിയുമായി ഡിഎംകെ നേതാവും മന്ത്രിയുമായ ഉദയനിധി സ്റ്റാലിന്. ഈ തെറ്റുകാരെ തിരിച്ചറിയൂ. ഇവര് രാമക്ഷേത്രത്തെ എതിര്ക്കുന്നു. സനാതന ധര്മ്മത്തെ അപമാനിക്കുന്നു’, എന്ന ഹിന്ദിയിലുള്ള ബിജെപി പോസ്റ്റിനാണ് ഉദയനിധിയുടെ പ്രതികരണം. ‘ഹിന്ദി തെരിയാത്, പോടാ’ എന്ന് എഴുതിയ ചുവന്ന നിറത്തിലുള്ള ടീ ഷര്ട്ട് ധരിച്ചു കൊണ്ടായിരുന്നു ഉദയനിധിയുടെ മറുപടി.
പ്രാണ പ്രതിഷ്ട ചടങ്ങ് സംബന്ധിച്ച് തനിക്കെതിരായ ബിജെപി എക്സ് പ്ലാറ്റ്ഫോമിലെ പോസ്റ്റിനാണ് ഉദയനിധി കിടിലൻ മറുപടി നൽകിയത്.രാമക്ഷേത്രം നിര്മ്മിക്കുന്നതിനെ ഡിഎംകെ എതിര്ക്കുന്നില്ല. എന്നാല് പള്ളി പൊളിച്ചിട്ട് ക്ഷേത്രം പണിയുന്നതിനോട് യോജിപ്പില്ല. ഡിഎംകെ ഒരു വിശ്വാസത്തിനും എതിരല്ലെന്നും ഉദയനിധി സ്റ്റാലിന് പറഞ്ഞിരുന്നു. ഇത് പരാമർശിച്ചാണ് ബിജെപി പോസ്റ്റ് വന്നത്.