രാജ്യമാകെ ശക്തമായ തിരിച്ചുവരവിനായി കോൺഗ്രസ് ഒരുങ്ങുമ്പോൾ രാജസ്ഥാനിൽ പാർട്ടി വീണ്ടും കലങ്ങിമറിയുകയാണ്. മുഖ്യമന്ത്രി അശോക് ഗലോട്ടിനെതിരെ പൊട്ടിത്തെറിച്ച് പ്രതികരിച്ചിരിക്കുകയാണ് സച്ചിൻ പൈലറ്റ്. കഴിഞ്ഞ നിയമസഭ തെരഞ്ഞെടുപ്പില് രാജസ്ഥാനില് കോണ്ഗ്രസിനെ സഹായിച്ചത് വസുന്ധര രാജ സിന്ധ്യയാണെന്ന ഗലോട്ടിന്റെ വിവാദ പരാമര്ശം എടുത്താണ് സച്ചിൻ രൂക്ഷ വിമർശനം ഉന്നയിച്ചത്.
അശോക് ഗലോട്ടിന്റെ നേതാവ് സോണിയ ഗാന്ധിയല്ല, വസുന്ധര രാജ സിന്ധ്യയാണെന്ന് സച്ചിന് പൈലറ്റ് തുറന്നടിച്ചു. ഹൈക്കമാന്ഡിനെ പോലും അപമാനിച്ച് നടത്തിയ പ്രസ്താവനയില് ഗലോട്ട് വ്യക്തത വരുത്തണമെന്ന് സച്ചിന് പൈലറ്റ് ആവശ്യപ്പെട്ടു.
ബിജെപിയുമായി ഒത്തുകളിച്ചുവെന്ന ആരോപണം ശരിവയ്ക്കുന്നതുപോലെ വസുന്ധരക്കെതിരായ ഒരു അഴിമതി കേസ് പോലും അന്വേഷിക്കാന് ഗലോട്ട് തയ്യാറായില്ലെന്നും സച്ചിന് കുറ്റപ്പെടുത്തി. കര്ണ്ണാടക തെരഞ്ഞെടുപ്പിന്റെ തലേ ദിവസമാണ് കോൺഗ്രസിനെ പ്രതിരോധത്തിലാക്കി രാജസ്ഥാന് കോണ്ഗ്രസിലെ പൊട്ടിത്തെറി പുറത്തുവന്നത്.