തമിഴ്നാട് മന്ത്രിസഭയിലെ ഉന്നത വിദ്യാഭ്യാസ വകുപ്പ് മന്ത്രിയായിരുന്ന കെ പൊന്മുടിയെ വീണ്ടും മന്ത്രിയാക്കണമെന്ന് മുഖ്യമന്ത്രി എംകെ സ്റ്റാലിന്. അനധികൃത സ്വത്ത് സമ്പാദന കേസില് അറസ്റ്റിലായതിന് പിന്നാലെയാണ് കെ പൊന്മുടി മന്ത്രി സ്ഥാനം രാജിവച്ചത്. വീണ്ടും മന്ത്രിയാക്കണമെന്ന് ആവശ്യപ്പെട്ട് സ്റ്റാലിന് ഗവര്ണര് എന് രവിയ്ക്ക് കത്തയച്ചു.
ഇതേ തുടര്ന്ന് ഗവര്ണര് ആര്എന് രവി അറ്റോര്ണി ജനറലിനോട് നിയമോപദേശം തേടിയിട്ടുണ്ട്. കൂടാതെ ഗവര്ണര് കേന്ദ്ര ആഭ്യന്തര മന്ത്രി അമിത്ഷായുമായി കൂടിക്കാഴ്ച നടത്തുമെന്നും റിപ്പോര്ട്ടുകളുണ്ട്. രാവിലെ ഡല്ഹിക്ക് പോയ ഗവര്ണര് ആര്എന് ശനിയാഴ്ച മടങ്ങിയെത്തുമെന്നാണ് സൂചന.
അനധികൃത സ്വത്ത് സമ്പാദനകേസില് ഹൈക്കോടതി ഉത്തരവിന് പിന്നാലെയാണ് കെ പൊന്മുടി മന്ത്രി സ്ഥാനം രാജിവച്ചത്. പൊന്മുടി കുറ്റക്കാരനാണെന്ന മദ്രാസ് ഹൈക്കോടതി വിധി സുപ്രീംകോടതി മരവിപ്പിച്ചതോടെയാണ് വീണ്ടും മന്ത്രി സ്ഥാനം നല്കണമെന്ന് ആവശ്യപ്പെട്ട് എംകെ സ്റ്റാലിന് ഗവര്ണര്ക്ക് കത്ത് നല്കിയത്.