പ്രധാനമന്ത്രി നരേന്ദ്രമോഡിയെ ഉത്തരം മുട്ടിക്കുന്ന ചോദ്യങ്ങളുമായി നിയുക്ത എംഎല്‍എ ജിഗ്നേഷ് മേവാനി. ട്വിറ്ററിലൂടെയാണ് ജിഗ്നേഷ് മോഡിയോടായി ആറ് ചോദ്യങ്ങള്‍ ഉന്നയിച്ചത്. മോഡി ചീറ്റ് ഇന്ത്യന്‍സ് എന്ന ഹാഷ് ടാഗോടെയാണ് ജിഗ്നേഷിന്റെ ആറ് ചോദ്യങ്ങള്‍.
ട്രോളന്‍മ്മാരോട് ചോദിക്കുന്ന രീതിയില്‍ പരോഷമായി മോഡിയെ ലക്ഷ്യം വെച്ചാണ് ചോദ്യങ്ങള്‍. 15 ലക്ഷം രൂപ ആരാണ് വാഗ്ദാനം ചെയ്തത്? ആരാണ് രണ്ട് കോടിയില്‍ പരം തൊഴിലുകള്‍ നല്‍കുമെന്ന് പറഞ്ഞത്? ആരാണ് ഭീകരവാദം ഇല്ലാതാക്കുമെന്ന് പറഞ്ഞത്? ആരാണ് പെട്രോ ളി ന്റെയും ഡീസലിന്റെയും ഗ്യാസിന്റെയും വില കൂട്ടില്ലെന്ന് പറഞ്ഞത്? ദളിതര്‍ക്കും ന്യൂനപക്ഷങ്ങള്‍ക്കും സുരക്ഷ വാഗ്ദാനം ചെയ്തത് ആരാണ്? കര്‍ഷകരുടെ കടങ്ങള്‍ എഴുതി തള്ളുമെന്ന് പറഞ്ഞതാരാണ്? ഇതൊക്കെയാണ് ജിഗ്നേഷിന്റെ ചോദ്യങ്ങള്‍.
ജനങ്ങള്‍ക്കിടില്‍ ധ്രൂവീകരണം ഉണ്ടാക്കാനാണ് ഹാര്‍ദിക് പട്ടേലിന്റേയും അല്‍പ്പേഷ് താക്കൂറിന്റേയും ജിഗ്നേഷ് മേവാനിയുടെയും ശ്രമമെന്ന് മോഡി വിമര്‍ശിച്ചിരുന്നു. ഇതിനെതിരെനെതിരെ ജിഗ്നേഷ് കഴിഞ്ഞ ദിവസം രംഗത്ത് വന്നിരുന്നു. ഞങ്ങള്‍ ജാതി രാഷ്ട്രീയം പറഞ്ഞല്ല മറിച്ച് വികസനം പറഞ്ഞാണ് മോഡിയെ നേരിടുന്നത്. തൊഴിലില്ലാത്ത രണ്ട് കോടി ജനതയുടെ കാര്യങ്ങളാണ് ഞങ്ങള്‍ മൂന്ന് പേരും പറയുന്നത്. അല്ലാതെ പട്ടേലുകളെ കുറിച്ചോ ദളിതരെ കുറിച്ചോ അല്ലെന്നായിരുന്നു ജിഗ്നേഷ് മറുപടിയായി് പറഞ്ഞത്. ദളിതരുടെ അവകാശ സംരക്ഷണത്തിനായി ഗുജറാത്തിലും പുറത്തും പ്രക്ഷോഭം നയിച്ച ജിഗ്നേഷ് തിരഞ്ഞെടുപ്പ് ജയത്തോടെ ഗുജറാത്തില്‍ നിര്‍ണായക സക്തി ആയിരിക്കുകയാണ്.