ഛത്തീസ്ഗഡില് സുരക്ഷാസേനയും മാവോവാദികളും തമ്മിലുണ്ടായ ഏറ്റുമുട്ടലില് നിരോധിത സംഘചനയായ കമ്മ്യൂണിസ്റ്റ് പാര്ട്ടി ഓഫ് ഇന്ത്യ മാവോയിസ്റ്റ് ജനറല് സെക്രട്ടറിയായിരുന്ന നംബാല കേശവറാവു എന്ന ബസവരാജ് ഉള്പ്പെടെ 27 മാവോയിസ്റ്റുകള് കൊല്ലപ്പെട്ടു. ഛത്തീസ്ഗഡിലെ നാരായണ്പൂര് ജില്ലയിലെ അബുജംദ് വനമേഖലയിലാണ് ഏറ്റുമുട്ടല് നടന്നത്.
ഏകദേശം 50 മണിക്കൂര് നീണ്ടുനിന്ന ഏറ്റുമുട്ടലാണ് നടന്നതെന്ന് ദേശീയ മാധ്യമങ്ങള് റിപ്പോര്ട്ട് ചെയ്യുന്നു. കൊല്ലപ്പെട്ട ബസവരാജിന്റെ തലയ്ക്ക് അന്വേഷണ ഏജന്സികള് ഒരു കോടി രൂപ വിലയിട്ടിരുന്നു. 1970 മുതല് നക്സല് പ്രവര്ത്തനങ്ങളില് സജീവമായിരുന്ന ബസവരാജിനെ വര്ഷങ്ങളായി വിവിധ ഏജന്സികള് അന്വേഷിച്ചുവരികയായിരുന്നു.
നാരായണ്പൂര്, ബിജാപൂര്, ദന്തേവാഡ ജില്ലകളില് നിന്നുള്ള ഡിആര്ജി അംഗങ്ങളാണ് ഏറ്റുമുട്ടലിലുണ്ടായത്. ഹസ്യവിവരത്തെ തുടര്ന്നാണ് ഛത്തീസ്ഗഡ് പൊലീസിന്റെ ജില്ലാ റിസര്വ് ഗാര്ഡ് വനമേഖലയില് പരിശോധന നടത്തിയത്.