ഇലക്ട്രോണിക് വോട്ടിംഗ് മെഷീനുകളിലെ വിവരങ്ങള് തിരഞ്ഞെടുപ്പിന് ശേഷം ഡിലീറ്റ് ചെയ്യരുതെന്ന് തിരഞ്ഞെടുപ്പ് കമ്മീഷന് സുപ്രീംകോടതിയുടെ നിര്ദ്ദേശം. തിരഞ്ഞെടുപ്പിന് ശേഷം ഇവിഎം മെമ്മറിയും മൈക്രോ കണ്ട്രോളറുകളും തിരിച്ചെടുക്കാന് കഴിയാത്ത വിധം മറ്റൊരു പ്രോഗ്രാം ഡിസ്കിലേയ്ക്ക് മാറ്റുന്നത് സംബന്ധിച്ച നടപടി ക്രമങ്ങള് കമ്മീഷന് നല്കണമെന്നും കോടതി അറിയിച്ചു.
ചീഫ് ജസ്റ്റിസ് സഞ്ജീവ് ഖന്നയടങ്ങിയ ബെഞ്ചിന്റേതാണ് നിര്ദ്ദേശം. തിരഞ്ഞെടുപ്പിന് ശേഷം ഇവിഎമ്മുകള് സംബന്ധിച്ച നടപടിക്രമങ്ങള് എന്തൊക്കെയാണെന്നും സുപ്രീം കോടതി ചോദിച്ചു. കോണ്ഗ്രസ് നേതാക്കളും അസോസിയേഷന് ഓഫ് ഡെമോക്രാറ്റിക് റിഫോംസ് ഹരിയാനയും സമര്പ്പിച്ച ഹര്ജിയിലാണ് കോടതിയുടെ നിരീക്ഷണം.
തിരഞ്ഞെടുപ്പില് പരാജയപ്പെട്ട സ്ഥാനാര്ഥിക്ക് വ്യക്തത ആവശ്യമാണെങ്കില് അത് നല്കേണ്ടതുണ്ടെന്നും ക്രമക്കേട് നടന്നിട്ടില്ലെന്ന് എന്ജിനീയര് വ്യക്തമാക്കണമെന്നും കോടതി കൂട്ടിച്ചേര്ത്തു.