വർഗീയ പരാമർശം നടത്തിയെന്ന് പരാതിയിൽ മമത ബാനർജിക്കെതിരെ കേസ്. പൊലീസ് എഫ്ഐആർ രജിസ്റ്റർ ചെയ്തു. കൊൽക്കത്ത പൊലീസാണ് കേസെടുത്തത്. കൊൽക്കത്തയിലെ തെരഞ്ഞെടുപ്പ് റാലിയിൽ വർഗീയ പരാമർശം നടത്തിയെന്നാണ് മമതക്കെതിരായ പരാതി. വിവിധ വിഭാഗങ്ങൾക്കിടയിൽ ഭീതിയും അസ്വസ്ഥതയും ഉണ്ടാക്കാൻ മമതയുടെ പ്രസംഗം കാരണമായെന്ന് പരാതിയിൽ പറയുന്നു. കൊൽക്കത്ത സ്വദേശിയായ തുഷാർ കാന്തി ദാസാണ് പരാതി നൽകിയത്.