ജമ്മു കശ്മീരിലെ കുപ്വാര ജില്ലയിലെ നിയന്ത്രണ രേഖയിൽ ഭീകരാക്രമണം ചെറുക്കുന്നതിനിടെ ഇന്ത്യൻ സൈന്യത്തിലെ ഒരു ഉദ്യോഗസ്ഥനും ബി‌എസ്‌എഫ് കോൺസ്റ്റബിൾ ഉൾപ്പെടെ മൂന്ന് സൈനികരും കൊല്ലപ്പെട്ടു.
വടക്കൻ കശ്മീർ ജില്ലയിലെ മഷിൽ സെക്ടറിൽ നടന്നുകൊണ്ടിരിക്കുന്ന ഭീകരവിരുദ്ധ പ്രവർത്തനത്തിൽ മൂന്ന് തീവ്രവാദികളെയും വെടിവച്ചു കൊന്നിട്ടുണ്ട്. ഏപ്രിൽ മാസത്തിനുശേഷം കേന്ദ്രഭരണ പ്രദേശത്തെ ഏറ്റവും വലിയ ഏറ്റുമുട്ടലാണിത്.
നിയന്ത്രണ രേഖയ്ക്ക് സമീപം സംശയാസ്പദമായ നീക്കം സൈന്യത്തിന്റെയും ബി‌എസ്‌എഫിന്റെയും ശ്രദ്ധയിൽപ്പെടുകയും നുഴഞ്ഞുകയറ്റക്കാരെ ചെറുക്കുകയും ചെയ്തതോടെയാണ് ഏറ്റുമുട്ടൽ ആരംഭിച്ചത്. ഒരു ബി‌എസ്‌എഫ് കോൺസ്റ്റബിൾ ഏറ്റുമുട്ടലിൽ കൊല്ലപ്പെട്ടു.
“മഷിൽ സെക്ടറിലെ പ്രവർത്തനത്തിനിടെ കോൺസ്റ്റബിൾ സുദീപ് സർക്കാറിന് ജീവൻ നഷ്ടപ്പെട്ടു. ഇന്ത്യൻ സൈന്യബലം ഇവിടെ വര്‍ദ്ധിപ്പിച്ചിട്ടുണ്ട്, സംയുക്ത പ്രവർത്തനം ഇപ്പോഴും നടക്കുന്നുണ്ട്,” അതിർത്തി സുരക്ഷാ സേന അറിയിച്ചു.