തൃക്കാക്കര ഉപതെരഞ്ഞെടുപ്പില് കോണ്ഗ്രസ് നേതാവും മുന് കേന്ദ്ര മന്ത്രിയുമായ കെ.വി.തോമസ് എല്ഡിഎഫിനു വേണ്ടി പ്രചരണത്തിനിറങ്ങുമെന്ന് എന്പിസി അധ്യക്ഷന് പി.സി.ചാക്കോ. ഒരു രാഷ്ട്രീയ മത്സരത്തിന് യുഡിഎഫ് തയ്യാറാവാത്ത സാഹചര്യമാണ് തൃക്കാക്കരയില് ഉള്ളത്. തോമസ് മാഷ് കൂടി രംഗത്തിറങ്ങുന്നതോടെ തിരഞ്ഞെടുപ്പില് എല്ഡിഎഫിന് മേല്കൈ ലഭിക്കുമെന്നുറപ്പാണെന്നും അദ്ദേഹം ഫെയ്സ്ബുക്കില് കുറിച്ചു.
അതേസമയം വ്യക്തി ബന്ധത്തിന്റെ പേരില് പ്രചരണത്തിന് ഇറങ്ങില്ലെന്നും തന്റെ പിന്തുണ ആര്ക്കാണെന്ന് സ്ഥാനാര്ത്ഥി ചിത്രം തെളിഞ്ഞതിന് ശേഷം പറയാമെന്നുമാണ് കെ വി തോമസ് മാധ്യമങ്ങളോട് പ്രതികരിച്ചത്.
ഫെയ്സ്ബുക്ക് കുറിപ്പിന്റെ പൂര്ണരൂപം:
തൃക്കാക്കര ഉപതിരഞ്ഞെടുപ്പില് കോണ്ഗ്രസ്സ് നേതാവും മുന് കേന്ദ്ര മന്ത്രിയുമായ കെ.വി തോമസ് എല്ഡിഎഫി നു വേണ്ടി പ്രചരണത്തിനിറങ്ങും. ഒരു രാഷ്ട്രീയ മത്സരത്തിന് യുഡിഎഫ് തയ്യാറാവാത്ത സാഹചര്യമാണ് തൃക്കാക്കരയില് ഉള്ളത്. തോമസ് മാഷ് കൂടി രംഗത്തിറങ്ങുന്നതോടെ തിരഞ്ഞെടുപ്പില് എല്ഡിഎഫിന് മേല്കൈ ലഭിക്കുമെന്നുറപ്പാണ്. ഇടതുപക്ഷമെന്ന ഹൃദയപക്ഷത്തിലേക്ക് , നേരിന്റെ രാഷ്ട്രീയത്തിലേക്കെത്തുന്ന തോമസ് മാഷിനു സുസ്വാഗതം .