കോണ്ഗ്രസ് സ്ഥാനാര്ത്ഥി പട്ടിക നാളെ വൈകിട്ട് പ്രഖ്യാപിക്കുമെന്ന് കെപിസിസി അധ്യക്ഷന് മുല്ലപള്ളി രാമചന്ദ്രന് വ്യക്തമാക്കി. ഒറ്റഘട്ടമായി പട്ടിക പ്രഖ്യാപിക്കാനാണ് ശ്രമം. ഇന്ന് വൈകിട്ട് ആറ് മണിക്ക് ചേരുന്ന തിരഞ്ഞെടുപ്പ് സമിതിയോഗം അന്തിമ സ്ഥാനാർത്ഥിപട്ടികയ്ക്ക് അംഗീകാരം നൽകും. താന് തിരഞ്ഞെടുപ്പില് മത്സരിക്കില്ലെന്നും കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ വ്യക്തമാക്കി.
അതേസമയം, മുസ്ലിം ലീഗിന്റെയും സ്ഥാനാര്ത്ഥി പട്ടിക നാളെ പ്രഖ്യാപിക്കും. നാളെ ഉച്ചയ്ക്ക് ശേഷമായിരിക്കും സ്ഥാനാര്ത്ഥി പ്രഖ്യാപനമെന്ന് മുസ്ലിം ലീഗ് സംസ്ഥാന ജനറല് സെക്രട്ടറി കെ പി എ മജീദ് അറിയിച്ചു. മലപ്പുറം ലോക്സഭാ തിരഞ്ഞെടുപ്പിലേക്കുള്ള സ്ഥാനാര്ത്ഥിയെയും നാളെ പ്രഖ്യാപിക്കുമെന്നും അദ്ദേഹം പറഞ്ഞു. സീറ്റ് ചര്ച്ചകള് നടത്തി. അധിക സീറ്റില് തീരുമാനമായില്ലെന്നും മജീദ് വ്യക്തമാക്കി.