തനിക്ക് ലോക കേരളസഭയിലേക്ക് ക്ഷണം ലഭിച്ചില്ലെന്ന കേന്ദ്രമന്ത്രി അല്ഫോന്സ് കണ്ണന്താനത്തിന്റെ പരാതിക്ക് മുഖ്യമന്ത്രിയുടെ മറുപടി.
ലോക കേരളസഭയുടെ ആദ്യസമ്മേളനത്തിലേക്ക് അല്ഫോന്സ് കണ്ണന്താനത്തിനെ ക്ഷണിച്ചിരുന്നതായി മുഖ്യമന്ത്രി പിണറായി വിജയന് പറഞ്ഞു. ഒരുപാട് തിരക്കുകള് ഉള്ള വ്യക്തിയായതു കൊണ്ട് മറന്നു പോയി കാണുമെന്നു പിണറായി വിജയന് പറഞ്ഞു. കണ്ണന്താനത്തെ സദസില് ഇരുത്തിയായിരുന്നു മുഖ്യമന്ത്രിയുടെ മറുപടി.
ക്ഷണം ലഭിച്ച കണ്ണന്താനം സര്ക്കാരിനു മറുപടി അയച്ചിരുന്നു. ഇതു സര്ക്കാരിന്റെ ഫയലില് ഉണ്ടെന്നും മുഖ്യമന്ത്രി അഭിപ്രായപ്പെട്ടു. തന്നെ ആരും ലോക കേരളസഭയില് പങ്കെടുക്കാനായി വിളിച്ചില്ലെന്നായിരുന്നു കണ്ണന്താനം പറഞ്ഞത്. തനിക്ക് ഇന്നലെ മാത്രമാണ് ക്ഷണക്കത്ത് ലഭിച്ചതെന്നു അദ്ദേഹം പറഞ്ഞിരുന്നു.