സ്കൂ​ളി​ൽ നിന്ന് നൽകിയ അ​യ​ൺ ഗു​ളി​ക​ക​ൾ അ​മി​ത​മാ​യി ക​ഴി​ച്ചു; കൊല്ലത്ത് ആ​റ് കു​ട്ടി​ക​ൾ ആ​ശു​പ​ത്രി​യി​ൽ

അ​മി​ത​മാ​യി അ​യ​ൺ ഗു​ളി​ക​ക​ൾ ക​ഴി​ച്ച ആ​റ് വി​ദ്യാ​ർ​ഥി​ക​ളെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. കൊ​ല്ലം മൈ​നാ​ഗ​പ്പ​ള്ളി മി​ലാ​ദേ ഷെ​രീ​ഫ് ഹ​യ​ർ സെ​ക്ക​ൻ​ഡ​റി സ്കൂ​ളി​ലെ എ​ട്ടാം ക്ലാ​സ് വി​ദ്യാ​ർ​ഥി​ക​ളാ​ണ് ചി​കി​ത്സ​യി​ലു​ള്ള​ത്. ആ​രു​ടെ​യും നി​ല ഗു​രു​ത​ര​മ​ല്ല.

ആ​രോ​ഗ്യ​വ​കു​പ്പ് സ്കൂ​ൾ വ​ഴി വി​ത​ര​ണം ചെ​യ്ത ഗു​ളി​ക​ക​ളാ​ണ് കു​ട്ടി​ക​ൾ അ​മി​ത​മാ​യി ക​ഴി​ച്ച​ത്. വീ​ട്ടി​ൽ​കൊ​ണ്ടു​പോ​കാ​ൻ കു​ട്ടി​ക​ളു​ടെ കൈ​വ​ശം സ്കൂ​ൾ അ​ധി​കൃ​ത​ർ ഗു​ളി​ക​ക​ൾ ന​ൽ​കി​യി​രു​ന്നു. എ​ന്നാ​ൽ സ്കൂ​ളി​ൽ വ​ച്ച് ത​ന്നെ ആ​റ് കു​ട്ടി​ക​ൾ ഗു​ളി​ക​ക​ൾ ക​ഴി​ക്കു​ക​യാ​യി​രു​ന്നു​വെ​ന്ന് ര​ക്ഷി​താ​ക്ക​ൾ പ​റ​യു​ന്നു.

ഗു​ളി​ക ആ​ദ്യം ക​ഴി​ച്ച​പ്പോ​ൾ മ​ധു​രം തോ​ന്നി​യ​തി​നാ​ൽ വീ​ണ്ടും ക​ഴി​ച്ചു​വെ​ന്നും സ​ഹ​പാ​ഠി​ക​ളു​ടെ ഗു​ളി​ക കൂ​ടി ചി​ല​ർ വാ​ങ്ങി ക​ഴി​ച്ചു​വെ​ന്നു​മാ​ണ് വി​വ​രം. 20 ഗു​ളി​ക വ​രെ ചി​കി​ത്സ​യി​ലു​ള്ള ചി​ല കു​ട്ടി​ക​ൾ ക​ഴി​ച്ചു​വെ​ന്നും ശാ​രീ​രി​ക അ​സ്വ​സ്ഥ​ത​ക​ൾ അ​നു​ഭ​വ​പ്പെ​ട്ട​തോ​ടെ ഇ​വ​രെ ആ​ശു​പ​ത്രി​യി​ൽ പ്ര​വേ​ശി​പ്പി​ക്കു​ക​യാ​യി​രു​ന്നു​വെ​ന്നും സ്കൂ​ൾ അ​ധി​കൃ​ത​ർ അ​റി​യി​ച്ചു.

നാ​ല് കു​ട്ടി​ക​ൾ കൊ​ല്ല​ത്തെ സ്വ​കാ​ര്യ ആ​ശു​പ​ത്രി​യി​ലും ര​ണ്ട് പേ​ർ കൊ​ല്ലം ജി​ല്ലാ ആ​ശു​പ​ത്രി​യി​ലു​മാ​ണ് ചി​കി​ത്സ തേ​ടി​യി​രി​ക്കു​ന്ന​ത്. ജി​ല്ലാ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച ര​ണ്ട് കു​ട്ടി​ക​ളു​ടെ വ​യ​ർ ക​ഴു​കി​യെ​ന്ന് ആ​ശു​പ​ത്രി അ​ധി​കൃ​ത​ർ അ​റി​യി​ച്ചു.