കൊച്ചിയില് അങ്കണവാടിയില് മൂന്നര വയസുകാരിക്ക് നേരെ ലൈംഗികാതിക്രമമെന്ന് പരാതി. അങ്കണവാടിയില് സ്ഥിരമായി എത്തിയിരുന്ന 20കാരനെ പ്രതിയാക്കിയാണ് എളമക്കര പൊലീസ് കേസെടുത്തത്. പോക്സോ വകുപ്പും ചുമത്തിയിട്ടുണ്ട്.
എളമക്കര പൊലീസ് സ്റ്റേഷന് പരിധിയില്പ്പെടുന്ന അങ്കണവാടിയിലാണ് സംഭവം. പത്തോളം കുട്ടികള് പഠിക്കുന്ന സ്ഥാപനമാണിത്. കുട്ടിയെ സ്ഥിരമായി അമ്മയോ അച്ഛനോ ആണ് കൊണ്ടുവിടാറുള്ളത്. അങ്കണവാടിയില് സ്ഥിരമായി എത്തുന്ന 20 കാരനാണ് കുട്ടിയെ ഉപദ്രവിച്ചതെന്നാണ് വീട്ടുകാരുടെ പരാതി.
വീട്ടുകാരുടെ പരാതിയുടെ അടിസ്ഥാനത്തില് പോക്സോ വകുപ്പ് പ്രകാരം എഫ്ഐആര് രജിസ്റ്റര് ചെയ്തു. യുവാവ് ഒളിവിലാണെന്ന് പൊലീസ് സൂചിപ്പിച്ചു. ഇയാള്ക്കു വേണ്ടിയുള്ള അന്വേഷണം ഊര്ജ്ജിതമാക്കി. കഴിഞ്ഞ ദിവസം വീട്ടിലെത്തിയപ്പോഴാണ് സ്വകാര്യഭാഗത്ത് വേദനയുണ്ടെന്ന് കുഞ്ഞ് അമ്മയോട് പറഞ്ഞത്. തുടർന്ന് മാതാപിതാക്കള് വിവരം തിരക്കിയതോടെയാണ് വിവരം പുറത്തറിയുന്നത്.