തന്ത്രി കണ്ഠരര് രാജീവര്ക്കെതിരെ തെളിവില്ലെന്ന വിചാരണക്കോടതി പരാമര്ശങ്ങള്ക്ക് ഹൈക്കോടതി സ്റ്റേ. തന്ത്രിയുടെ ജാമ്യം റദ്ദാക്കണമെന്ന എസ്ഐടിയുടെ അപ്പീലില് തന്ത്രി കണ്ഠരര് രാജീവര്ക്ക് ഹൈക്കോടതി നോട്ടീസ് അയച്ചു.
തന്ത്രിക്ക് അനുകൂലമായ വിചാരണകോടതി പരാമര്ശങ്ങള് എസ്ഐടിക്ക് വലിയ തിരിച്ചടിയായിരുന്നു. തന്ത്രിയുടെ ജാമ്യം റദ്ദാക്കണമെന്ന എസ്ഐടിയുടെ ആവശ്യം ജസ്റ്റിസ് എ. ബദറുദ്ദീന്റെ ബെഞ്ച് ആണ് ഇന്ന് പരിഗണിച്ചത്.
കണ്ഠരര് രാജീവര്ക്കെതിരെ തെളിവില്ലെന്ന വിചാരണക്കോടതി പരാമര്ശങ്ങള് സ്റ്റേ ചെയ്ത ബെഞ്ച് തന്ത്രിക്ക് നോട്ടീസ് അയക്കുകയും ചെയ്തു. തന്ത്രിക്കെതിരെ തെളിവില്ല എന്നാണ് വിചാരണ കോടതി ചൂണ്ടിക്കാണിച്ചത്. എന്നാല് തന്ത്രിക്കെതിരെ തെളിവുണ്ട് എന്നാണ് അപ്പീലില് എസ്ഐടിയുടെ അവകാശവാദം.