ടസ്കർ ബിസിനസ് അവാർഡുകൾ സമ്മാനിച്ചു. ഇന്ഡോ കോണ്ടിനെന്റല് ട്രേഡ് & എന്റര്പ്രണര്ഷിപ് പ്രൊമോഷന് കൗണ്സിലിൻ്റെ നേതൃത്വത്തിലായിരുന്നു ചടങ്ങ്. സൗത്ത് ലൈവ് അസോസിയേറ്റ് പാര്ട്ണറായ ചടങ്ങില് മന്ത്രി മുഹമ്മദ് റിയാസ് മുഖ്യാതിഥിയായി. ദേശീയ തലത്തിലും പൊതു-സ്വകാര്യമേഖലയിലും വ്യവസായരംഗത്ത് കഴിവുതെളിയിച്ചവർക്ക് അവാർഡുകൾ സമ്മാനിച്ചു.
മുഖ്യാഥിതി മന്ത്രി പി.എ. മുഹമ്മദ് റിയാസ് പുരസ്കാരവിതരണവും ഉദ്ഘാടനവും നിർവഹിച്ചു. കോയമ്പത്തൂർ ആര്യവൈദ്യ ഫാർമസി, കെ.എസ്.ഐ.ഡി.സി., സാഫ ഗ്രൂപ്പ്, മലബാർ ഹോസ്പിറ്റൽ, സിൽവർ സ്റ്റോം വാട്ടർ തീം പാർക്ക്, ഗോഡ് സ്പീഡ് മൈഗ്രേഷൻ, കോഴിക്കോടൻ, യൂണിമണി, ഇസാഫ് ബാങ്ക്, മുത്തൂറ്റ് ഫിനാൻസ്, മുത്തൂറ്റ് പാപ്പച്ചൻ ഗ്രൂപ്പ്, കെഎംസിടി മെഡിക്കൽ കോളേജ്, എൻടപിസി, എസ്എഐഎൽ, രാംകി ഗ്രൂപ്പ്, ട്യൂട്ടർ കോംപ്, വിസ്മാർക്ക് എന്നിവർ അവാർഡിന് അർഹരായി.
അതേസമയം ഛത്തീസ്ഗഢ്, മഹാരാഷ്ട്ര, ഒഡിഷ, മധ്യപ്രദേശ്, ഉത്തർപ്രദേശ്, ഗോവ, ഉത്തരാഖണ്ഡ്, ആന്ധ്രപ്രദേശ്, തെലങ്കാന തുടങ്ങി ഇന്ത്യയിലെ വിവിധ സംസ്ഥാനങ്ങളിൽനിന്നുള്ളവർ അവാർഡുകൾ സ്വീകരിക്കാനെത്തി. റെറ ചെയർമാൻ പിഎച്ച് കുര്യൻ മുഖ്യപ്രഭാഷണം നടത്തി. ദേശീയതലത്തിലുള്ള പൊതുമേഖല, സ്വകാര്യമേഖല കമ്പനികളും സ്ഥാപനങ്ങളും ഈ വര്ഷത്തെ ടസ്കര് അവാര്ഡ് ഫോര് എക്സലന്സ് പുരസ്കാരത്തിനായി മത്സരിച്ചിരുന്നു. ഇത് കൂടാതെ വിദേശ മലയാളികളെയും ഇന്ത്യയുടെ വിവിധ ഭാഗങ്ങളില് പ്രവര്ത്തിക്കുന്നവരെയും പുതിയ സംരംഭകരെയും ഈ ചടങ്ങില് അവാര്ഡുകള് നല്കി ആദരിച്ചു.
ചടങ്ങിൽ ഐസിടിഇപി കൗൺസിൽ ചെയർമാൻ ഡോ. ടി. വിനയകുമാർ അധ്യക്ഷനായി. ഡയറക്ടർ കെ. രവീന്ദ്രൻ, സെക്രട്ടറി ജനറൽ യു.എസ്. കുട്ടി എന്നിവർ സംസാരിച്ചു. ‘മലബാറിന്റെ മുന്നോട്ടുള്ള കുതിപ്പ്’ എന്ന വിഷയത്തെ ആസ്പദമാക്കി ചർച്ച നടത്തി. യുഎൽസിസി ലിമിറ്റഡ് ചീഫ് പ്രോജക്ട് കോഡിനേറ്റർ കിഷോർ കുമാർ, രാംകി ഗ്രൂപ്പ് ഹൈദരാബാദ് ഗ്ലോബൽ സിഎച്ച്ആർഒ സുജീവ് നായർ, മലബാർ ചേംബർ ഓഫ് കൊമേഴ്സ് പ്രസിഡൻ്റ് എം.എ മെഹബൂബ്, പത്രപ്രവർത്തകൻ ജോ എ. സ്കറിയ എന്നിവർ ചർച്ചയിൽ പങ്കെടുത്തു.