ആള്ക്കൂട്ടങ്ങളിലും സ്കൂളുകളിലും മാസ്ക് ഉപയോഗം കര്ശനമാക്കണമെന്ന് മുഖ്യമന്ത്രി പിണറായി വിജയന്. സംസ്ഥാനത്ത് പ്രതിദിന കോവിഡ് കേസുകള് വര്ദ്ധിക്കുന്ന സാഹചര്യത്തിലാണ് മുഖ്യമന്ത്രിയുടെ നിര്ദ്ദേശം.
അതീവ ജാഗ്രത പുലര്ത്തണം. രണ്ടാം ഡോസ് വാക്സിനേഷന് ഊര്ജ്ജിതമാക്കണം. 12 വയസ്സിനു മുകളിലുള്ള കുട്ടികളുടെ വാക്സിനേഷന് വേഗത്തില് പൂര്ത്തീകരിക്കണം. 60 വയസ്സ് കഴിഞ്ഞവര്ക്കുള്ള ബൂസ്റ്റര് ഡോസ് കൂടുതല് നല്കാനാകണമെന്നും മുഖ്യമന്ത്രി നിര്ദ്ദേശിച്ചു.
സംസ്ഥാനത്ത് ഇന്ന് 2,415 പേര്ക്ക് കോവിഡ് സ്ഥിരീകരിച്ചിരുന്നു. തുടര്ച്ചയായ മൂന്നാം ദിവസമാണ് പ്രതിദിന രോഗികളുടെ എണ്ണം രണ്ടായിരം കടക്കുന്നത്.
ഏറ്റവും കൂടുതല് രോഗികള് എറണാകുളത്താണ് 796 പേര്. തിരുവനന്തപുരത്ത് 368 പേര്ക്കും കോട്ടയത്ത് 260 പേര്ക്കും രോഗം ബാധിച്ചു.
രാജ്യത്തും പ്രതിദിന കോവിഡ് രോഗികളുടെ എണ്ണത്തില് വന് വര്ധനവാണുള്ളത്. കഴിഞ്ഞ ദിവസത്തെ അപേക്ഷിച്ച് രോഗികള് 38 % വര്ധിച്ചു.
24 മണിക്കൂറിനിടെ 7240 പേര്ക്ക് രോഗം സ്ഥിരികരിച്ചു. 8 മരണവും റിപ്പോര്ട്ട് ചെയ്തു. മാര്ച്ച് ഒന്നിന് ശേഷമുള്ള ഉയര്ന്ന പ്രതിദിന കണക്കാണിത്. ടെസ്റ്റ് പോസിറ്റിവിറ്റി നിരക്ക് 2.13 % ആയി വര്ധിച്ചു.
കേരളത്തിന് പുറമെ മഹാരാഷ്ട്ര, ഡല്ഹി, കര്ണാടക,ഹരിയാന സംസ്ഥാനങ്ങളിലും രോഗബാധിതരുടെ എണ്ണം ഉയരുകയാണ്