ഗവർണർ ആരിഫ് മുഹമ്മദ് ഖാനെ രൂക്ഷമായി വിമർശിച്ച് സിപിഎം സംസ്ഥാന സെക്രട്ടറി എം വി ഗോവിന്ദൻ. ഗവർണറുടേത് നിലവിട്ട പെരുമാറ്റമെന്നും എം വി ഗോവിന്ദൻ വ്യക്തമാക്കി. പദവിയുടെ അന്തസിന് യോജിക്കാത്ത പെരുമാറ്റം ഭരണഘടന വിരുദ്ധമെന്നും എം വി ഗോവിന്ദൻ പറഞ്ഞു.
ആരോഗ്യപ്രശ്നങ്ങളൊന്നുമില്ലെന്ന് ഇന്നത്തെ പ്രസംഗം കണ്ടതോടെ വ്യക്തമായി.ഗവർണർ കുറെ കാലമായി എടുക്കുന്ന നിലപാടിന്റെ തുടര്ച്ചയാണ് ഇന്നലെ നിയമസഭയിലുണ്ടായത്. സാധാരണ ഗവർണർമാരുടെ കീഴ്വഴക്കം അല്ല ഇന്നലെ കണ്ടത്. ഗവർണറുടെ പദവിയ്ക്ക് ചേരുന്നതല്ല ഇപ്പോൾ നടക്കുന്നത്.എംവി ഗോവിന്ദൻ കുറ്റപ്പെടുത്തി.
അതേ സമയം ഡൽഹിയിൽ എല്ഡിഎഫ് നടത്തുന്നത് സമ്മേളനമല്ലെന്നും കേന്ദ്ര സര്ക്കാരിനെതിരായ പ്രതിഷേധ സമരം തന്നെയാണെന്നും എംവി ഗോവിന്ദന് പറഞ്ഞു. ഫെബ്രുവരി എട്ടിന് ദില്ലിയില് സമരം നടക്കുമ്പോള് സംസ്ഥാനത്ത് പലയിടങ്ങളിലായി ഐക്യദാര്ഢ്യ പ്രതിഷേധ പരിപാടി നടത്തും.ഫെഡറല് സംവിധാനം രക്ഷിക്കാനുള്ള സമരത്തിന് നല്ല പിന്തുണയാണ് ലഭിക്കുന്നത്. ഫെബ്രുവരി എട്ടിന് രാവിലെ കേരള ഹൗസില്നിന്നായിരിക്കും മാര്ച്ച് ആരംഭിക്കുകയെന്നും തുടര്ന്ന് സമരം ആരംഭിക്കുമെന്നും എംവി ഗോവിന്ദന് കൂട്ടിച്ചേര്ത്തു.