എകെജിയെ കല്യാണം മുടക്കിയ നേതാവെന്നു വിശേഷിപ്പിച്ച് കെപിസിസി രാഷ്ട്രീയകാര്യ സമിതിയംഗം കെ.സുധാകരന്. എകെജിയാണ് ആദ്യമായി കണ്ണൂരില് ജനാധിപത്യം തകര്ക്കാനായി ശ്രമിച്ചത്. പാര്ട്ടി ഗ്രാമങ്ങള് സ്ഥാപിക്കാന് വേണ്ടി പെരളശ്ശേരിയില് വീടുകള് ആക്രമിച്ച് വ്യക്തിയാണ് എകെജി. നിരവധി വിവാഹങ്ങളാണ് എകെജി മുടക്കിയത്. അദ്ദേഹം നിരവധി പേരെ അദ്ദേഹം ഭീഷണിപ്പെടുത്തിയിരുന്നു.
സിപിഎം ബല്റാമിനെ ഭീഷണിപ്പെടുത്തി തിരുത്താമെന്നു പ്രതീക്ഷക്കേണ്ട. ബല്റാമിനെ സിപിഎമ്മിന്റെ വേട്ടപ്പട്ടികള്ക്കു കോണ്ഗ്രസ് വിട്ടുതരില്ലെന്നും അദ്ദേഹം പറഞ്ഞു. കണ്ണൂരില് ഡിസിസിയുടെ ക്യാംപ് എക്സിക്യുട്ടീവില് സംസാരിക്കുകയായിരുന്നു അദ്ദേഹം.
നേരത്തെ ബല്റാമിനെ പിന്തുണിച്ച് എ.പി.അബ്ദുല്ലക്കുട്ടി, ബിജെപി നേതാവ് കെ.സുരേന്ദ്രന്, കെ.എം.ഷാജി എംഎല്എ, സിവിക് ചന്ദ്രന് എന്നിവര് രംഗത്ത് വന്നിരുന്നു. അതേ സമയം മുന് മുഖ്യമന്ത്രി ഉമ്മന്ചാണ്ടി, പ്രതിപക്ഷ നേതാവ് രമേശ് ചെന്നിത്തല എന്നിവര് ബല്റാമിന്റെ പരാമര്ശത്തെ തള്ളിയിരുന്നു.