മുഖ്യമന്ത്രിയ്ക്കെതിരെ അതിരൂക്ഷ വിമര്ശനങ്ങളുമായി രംഗത്തെത്തിയ നിലമ്പൂര് എംഎല്എ പിവി അന്വറിനെ പിന്തുണച്ച് സിനിമതാരം ഹരീഷ് പേരടിയുടെ കുറിപ്പ് ശ്രദ്ധേയമാകുന്നു. അന്വറിന് പരസ്യ പിന്തുണ പ്രഖ്യാപിക്കുന്ന കുറിപ്പില് മുഖ്യമന്ത്രി പിണറായി വിജയനെ പരോക്ഷമായി പരിഹസിക്കുന്നുമുണ്ട്.
അന്വറെന്തായാലും മലപ്പുറത്തെ നല്ല ചൊണള്ള ചെക്കനാ എന്ന് വിശേഷിപ്പിക്കുന്ന പോസ്റ്റില് മുഖ്യമന്ത്രിയെ ഇല്ലാത്ത കത്തിന്റെ കഠാരന്റെ ഉള്ളുകൂടെ നടന്ന തള്ളല്ലല്ലോ എന്ന് പരിഹസിക്കുന്നുമുണ്ട്. ഫേസ്ബുക്കിലൂടെയാണ് താരം രാഷ്ട്രീയ നിലപാട് വ്യക്തമാക്കുന്നത്.
സ്വാതന്ത്ര്യസമര സേനാനിയായ ബാപ്പന്റെ മോനല്ലെ എന്ന് അന്വറിനെ കുറിച്ച് പറയുന്ന പോസ്റ്റില് ഇടതുപക്ഷ പാരമ്പര്യ തറവാട്ടില് കൂലി പണിക്ക് പോയ സ്വതന്ത്രനായ മനുഷ്യന്റെ മനുഷ്യാവകാശ സമരം എന്നായിരുന്നു ഹരീഷ് പേരടി അന്വറിന്റെ വെളിപ്പെടുത്തലുകളെ വിശേഷിപ്പിച്ചത്.
പോസ്റ്റിന്റെ പൂര്ണ്ണരൂപം ഇങ്ങനെ;
ഇടതുപക്ഷ തറവാട്ടിലെ അടുക്കളപുറത്തിരുന്ന്..കാരണവരുടെ ആട്ടും തുപ്പും കേട്ട്..ഇത്രയും കാലം എച്ചില് തിന്ന പോരായമ മാറ്റി വെച്ചാല്…അന്വറെന്തായാലും മലപ്പുറത്തെ നല്ല ചൊണള്ള ചെക്കനാ…അത് മൂപ്പര് ഇന്ന് തെളിയിച്ച്..അല്ല അതങ്ങിനെയാവൂ..സ്വാതന്ത്ര്യസമര സേനാനിയായ ബാപ്പന്റെ മോനല്ലെ…അല്ലാണ്ടെ ഇല്ലാത്ത കത്തിന്റെ കഠാരന്റെ ഉള്ളുകൂടെ നടന്ന തള്ളല്ലല്ലോ…അവസാനം സത്യം പറയേണ്ടിവരല്ലോ…ഇങ്ങള് നല്ല മലപ്പുറം ഭാഷലെ കേരളത്തോട് രാജാവ് ഉടുത്തത് അയിച്ചിട്ട് നടക്കാണ്ന്ന് പറയ്ണത് കേക്കുമ്പം തന്നെ ഒരു രാഷ്ട്രീയ രോമാഞ്ചം ഇണ്ടായിന്..സ്വര്ണ്ണകച്ചോടത്തിലെ ഇക്ക്മത്ത് എന്തായാലും അന്വറക്കാ ഇങ്ങള് മലപ്പുറത്തിന്റെ രാഷ്ട്രിയ മാനം കാത്ത് …ഇടതുപക്ഷ പാരമ്പര്യ തറവാട്ടില് കൂലി പണിക്ക് പോയ സ്വതന്ത്രനായ മനുഷ്യന്റെ മനുഷ്യാവകാശ സമരം..സ്വാതന്ത്ര്യസമര സലാം..