പൊന്നാനിയിലെ എല്ഡിഎഫ് സ്ഥാനാര്ത്ഥി പി വി അന്വറിനെതിരെ പരാതിയുമായി സിപിഐ. പാര്ട്ടിയെ വിമര്ശിക്കുന്നുവെന്നാരോപിച്ചാണ് സിപിഐ മലപ്പുറം ജില്ലാ കൗണ്സില് സംസ്ഥാന നേതൃത്വത്തിന് പരാതി നല്കിയത്. കൂടിയാലോചനയും ഏകോപനവുമില്ലാത്തതും പ്രചരണ രംഗത്ത് ഇടതുമുന്നണി പിന്നോക്കം പോയതും മുന്നണിക്ക് വോട്ടുകള് നഷ്ടപ്പെടുത്താന് ഇടയാക്കിയെന്നും സിപിഐ കുറ്റപ്പെടുത്തിയിരുന്നു.
തെരഞ്ഞെടുപ്പിനു പിന്നാലെ തന്നെ പൊന്നാനിയില് പി വി അന്വറും സിപിഐയും തമ്മിലുള്ള അഭിപ്രായ വ്യത്യാസങ്ങള് മറനീക്കി പുറത്തു വന്നിരുന്നു. തെരഞ്ഞെടുപ്പില് സിപിഐ തന്നെ സഹായിച്ചില്ലെന്നായിരുന്നു പി വി അന്വറിന്റെ പരാതി. മാത്രവുമല്ല മുസ്ലീം ലീഗിനൊപ്പമാണ് മലപ്പുറം ജില്ലയിലെ സിപിഐയെന്നും പി വി അന്വര് ആരോപിച്ചിരുന്നു.
അതേ സമയം സിപിഐയും ലീഗും തുല്യമാണെന്നും എന്നും തന്നെ ദ്രോഹിക്കാനാണ് ശ്രമിച്ചിട്ടുള്ളതെന്ന് അന്വര് പറഞ്ഞിരുന്നു. വയനാട്ടിലെ എല്ഡിഎഫ് സ്ഥാനാര്ത്ഥിയും സിപിഐ നേതാവുമായ പി പി സുനീര് ലീഗിലേക്ക് ചേക്കേറാനുള്ള ശ്രമത്തിലാണെന്ന് അന്വര് ആരോപിച്ചിരുന്നു. ഇതിന് പിന്നാലെ എഐവൈഎഫ് പ്രവര്ത്തകര് മലപ്പുറത്ത് അന്വറിന്റെ കോലം കത്തിച്ചു.