കെഎസ്ആര്ടിസി ഡ്രൈവറുമായുള്ള മേയര് ആര്യ രാജേന്ദ്രന്റെ നടുറോഡിലെ തര്ക്കത്തിന് പിന്തുണയുമായി ഡിവൈഎഫ്ഐ സംസ്ഥാന സെക്രട്ടറി വികെ സനോജ്. അതിക്രമം നടന്നത് ആര്യ രാജേന്ദ്രനെതിരാണെന്നും മേയര് തെറ്റ് ചെയ്തിട്ടില്ലെന്നും കെഎസ്ആര്ടിസി ഡ്രൈവര് യദുവാണ് മോശമായി പെരുമാറിയതെന്നും വികെ സനോജ് ആരോപിച്ചു.
സംഭവത്തില് അധികാര പ്രയോഗമുണ്ടായിട്ടുണ്ടെന്നാണ് ആരോപണം. എന്നാല് അവരോട് മോശമായി പെരുമാറിയത് കെഎസ്ആര്ടിസി ഡ്രൈവര് ആണ്. മേയര്ക്കെതിരെ ആസൂത്രിതമായ നീക്കങ്ങള് നടക്കുന്നുണ്ട്. അപകടകരമായ രീതിയില് ബസ് മറികടന്നപ്പോള് സ്വാഭാവികമായുണ്ടായ ഒരു ചോദ്യം ചെയ്യലാണ് അവിടെ സംഭവിച്ചതെന്നും സനോജ് അഭിപ്രായപ്പെട്ടു.
ചോദ്യം ചെയ്തത് ആര്യയാണെന്ന് മനസിലായപ്പോള് കിട്ടിയ അവസരത്തില് അതിനെ മുന്നിറുത്തി സൈബര് ആക്രമണം ആരംഭിച്ചു. നമ്മുടെ നാട്ടില് ഇത്തരത്തില് പെരുമാറുന്നവരോട് ആര്യ പ്രതികരിച്ചത് പോലെ എല്ലാ പെണ്കുട്ടികളും പെരുമാറണമെന്നാണ് ഡിവൈഎഫ്ഐയുടെ അഭിപ്രായമെന്നും സനോജ് കൂട്ടിച്ചേര്ത്തു.