തെന്മല അഭയ കേന്ദ്രത്തില് വയോധികമാര് പീഡിപ്പിക്കപ്പെട്ട സംഭവത്തില് സ്വമേധയാ ഇടപെട്ട് ഹൈക്കോടതി. ലൈസന്സില്ലാതെ പ്രവര്ത്തിച്ച വൃദ്ധസദനത്തിലെ പീഡനം ഗൗരവകരമെന്ന് ഹൈക്കോടതി നിരീക്ഷിച്ചു. സിസ്റ്റം നിസ്സംഗത പാലിക്കുന്നുവെന്നായിരുന്നു കോടതിയുടെ വിമര്ശനം. തെന്മല പീഡനത്തിലും പത്തനംതിട്ട വൃദ്ധ സദനത്തില് 17 കാരന് മര്ദനമേറ്റതിലും ജസ്റ്റിസ് ദേവന് രാമചന്ദ്രന് അധ്യക്ഷനായ ഡിവിഷന് ബെഞ്ച് സര്ക്കാരിനോട് റിപ്പോര്ട്ട് തേടി. കേസ് 23 ന് വീണ്ടും പരിഗണിക്കും.
ഇത്തരത്തിലുള്ള സംഭവങ്ങള് മുന്കൂട്ടി തടയാന് സര്ക്കാര് സംവിധാനങ്ങള് എന്തുകൊണ്ട് പരാജയപ്പെട്ടുവെന്ന് കോടതി ചോദിച്ചു. വയോധികര്, രോഗികള്, മാനസിക വെല്ലുവിളികള് നേരിടുന്ന ദുര്ബല വിഭാഗങ്ങളെ സംരക്ഷിക്കേണ്ടത് ഭരണഘടനാപരമായ ബാധ്യതയാണെന്ന് കോടതി ഓര്മ്മിപ്പിച്ചു.
കഴിഞ്ഞ പതിനൊന്നിനാണ് തെന്മല വെള്ളിമലയില് അനധികൃതമായി പ്രവര്ത്തിക്കുന്ന അഭയ കേന്ദ്രത്തില് വയോധികര് പീഡിപ്പിക്കപ്പെട്ട വിവരം മാധ്യമങ്ങളിലൂടെ പുറത്തുവന്നത്. കേസില് പ്രതിയായ അഭയ കേന്ദ്രം നടത്തിപ്പുകാരന് ബ്രഹ്മദാസ് റിമാന്ഡിലാണ്. ഈ സംഭവത്തിലാണ് ജസ്റ്റിസ് ദേവന് രാമചന്ദ്രന്റെ അധ്യക്ഷതയിലുള്ള ഹൈക്കോടതി ഡിവിഷന് ബെഞ്ചിന്റെ ഇടപെടല്.
സംസ്ഥാനത്ത് നിയമ വിരുദ്ധമായി പ്രവര്ത്തിക്കുന്ന നിരവധി സ്ഥാപനങ്ങള് ഉണ്ടാകാമെന്നും കോടതി ആശങ്ക പ്രകടിപ്പിച്ചു. ഇത്തരം നടപടികള് ആവര്ത്തിക്കാതിരിക്കാന് ശക്തമായ നടപടി വേണമെന്ന സര്ക്കാരിനോട് കോടതി ആവശ്യപ്പെട്ടു. സംഭവത്തില് വിശദമായ റിപ്പോര്ട്ട് സമര്പ്പിക്കാനും കോടതി ഉത്തരവിട്ടു. പത്തനംതിട്ട ഓമല്ലൂരിലെ വ്യദ്ധ സദനത്തില് ഇടുക്കി സ്വദേശിയായ 17 കാരന് മര്ദ്ദനമേറ്റതിലും ഹൈക്കോടതി റിപ്പോര്ട്ട് തേടിയിട്ടുണ്ട്. കേസ് കോടതി ചൊവ്വാഴ്ച പരിഗണിക്കും.