നൈന്റീസ് കിഡ്സിനെ എല്ലാ പ്രശ്നങ്ങളില് നിന്നും രക്ഷിക്കാന് ശക്തിമാന് വീണ്ടുമെത്തി. യൂട്യൂബിലൂടെയാണ് ശക്തിമാന് വീണ്ടും പ്രേക്ഷകരുടെ മുന്നിലെത്തുന്നത്. 19 വര്ഷത്തിന് ശേഷം തിരികെ എത്തിയ ശക്തിമാന് വന് സ്വീകാര്യതയാണ് യൂട്യൂബില് ലഭിക്കുന്നത്. ശക്തിമാനായി എത്തിയ മുകേഷ് ഖന്ന ആയിരുന്നു തൊണ്ണൂറുകളിലെ കുട്ടികളുടെ പ്രിയപ്പെട്ട സൂപ്പര് ഹീറോ.
ദൂരദര്ശന് പ്രചാരത്തിലുണ്ടായിരുന്ന കാലത്ത് സംപ്രക്ഷേപണം ചെയ്ത കുട്ടികളുടെ പരമ്പര ആദ്യ ഘട്ടത്തില് ഹിന്ദിയില് മാത്രമായിരുന്നു. എന്നാല് ദക്ഷിണേന്ത്യന് സംസ്ഥാനങ്ങളില് പരമ്പരയ്ക്ക് ലഭിച്ച വലിയ പ്രചാരത്തെ തുടര്ന്ന് പരമ്പര മലയാളത്തില് മൊഴി മാറ്റി സംപ്രേക്ഷണം ആരംഭിക്കുകയായിരുന്നു.
യൂട്യൂബിലൂടെ തിരികെ എത്തിയ ശക്തിമാന്റെ ആദ്യ എപ്പിസോഡ് മൂന്ന് ലക്ഷത്തോളം ആളുകളാണ് ഇതുവരെ കണ്ടിരിക്കുന്നത്. അള്ട്രാ മലയാളം എന്ന യൂട്യൂബിലൂടെയാണ് ശക്തിമാന് വീണ്ടും പ്രേക്ഷകരുടെ മുന്നിലെത്തുന്നത്. നേരത്തെ ഇവര് പുറത്തിറക്കിയ ഹിന്ദി പതിപ്പിനും വലിയ സ്വീകാര്യതയാണ് ലഭിച്ചിരുന്നത്.
ഇതിന് പിന്നാലെയാണ് മലയാളത്തിലും ശക്തിമാനെത്തിയത്. അഞ്ച് ദിവസം കൂടുമ്പോള് ഓരോ എപ്പിസോഡ് വീതമാണ് നിലവില് പുറത്തിറക്കുന്നത്. 1997 സെപ്റ്റംബര് 13ന് ആയിരുന്നു ശക്തിമാന്റെ ആദ്യ എപ്പിസോഡ് ദൂരദര്ശനില് പുറത്തിറക്കിയത്. തുടര്ന്ന് 2005 വരെ ശക്തിമാന് ദൂരദര്ശനില് പ്രക്ഷേപണം തുടര്ന്നിരുന്നു.
ഇപ്പോള് പുറത്തിറക്കിയ യൂട്യൂബ് വീഡിയോയ്ക്കും പ്രേക്ഷകരായെത്തുന്നത് ഭൂരിഭാഗവും നൈന്റീസ് കിഡ്സ് തന്നെയാണ്. ”2 കെ പിള്ളേര് വന്നു കാണടാ ഞങ്ങളുടെ സൂപ്പര് ഹീറോയെ”, ”മദ്രസ വിട്ട് ശക്തിമാന് കാണാന് ഓടിയെത്തുന്ന കുട്ടിക്കാലം ഓര്മ്മ വരുന്നു”, ”യാ മോനെ അന്ന് ദൂരദര്ശനില് ആന്റിന പിടിച്ച് കറക്കും ക്ലിയര് ആകാന് ഉഫ് രോമാഞ്ചം നൊസ്റ്റാള്ജിയ” തുടങ്ങിയ കമന്റുകളുമായാണ് നൈന്റീസ് കിഡ്സ് കമന്റ് ബോക്സിലെത്തുന്നത്.