സൂപ്പർ ഹിറ്റ് ചിത്രം കെജിഎഫിന്റെ സംവിധായകൻ പ്രശാന്ത് നീലും തെലുങ്കിലെ സൂപ്പർ താരം പ്രഭാസും ഒന്നിക്കുന്ന ചിത്രമാണ് സലാർ . പ്രഭാസിന്റെ ബാഹുബലിയ്ക്കും പ്രശാന്ത് നീലിന്റെ സംവിധാനത്തിലുള്ള കെജിഎഫിനും കേരളത്തില്‍ വൻ സ്വീകാര്യത ലഭിച്ച സാഹചര്യത്തില്‍ പുതുതായി എത്തുന്ന സലാറും ഹിറ്റായി മാറുമെന്നാണ് പ്രതീക്ഷ. അതുകൊണ്ടു തന്നെ ആരാധകർ ഏറെ ആവേശത്തിലാണ്.
ചിത്രത്തിൽ വര്‍ദ്ധരാജ് മാന്നാര്‍ ആയി പൃഥി എത്തുന്ന എന്നതാണ് മലയാളി പ്രേക്ഷകരെ ഇരട്ടി ആവേശത്തിലെത്തിച്ചിരിക്കുന്നത്. ഇപ്പോഴിതാ സലാറിന്റെ പുത്തൻ അപ്ഡേറ്റാണ് ചർച്ചയാകുന്നത്. ഉദയനിധിയുടെ റെഡ് ജിയാന്റ് മൂവീസാകും ചിത്രം തമിഴ്നാട്ടില്‍ വിതരണം ചെയ്യുക എന്നതാണ് പുതിയ റിപ്പോര്‍ട്ട്. അതേ സമയം കേരളത്തില്‍ സലാറിന്റെ ഫാൻസ് ഷോ സംഘടിപ്പിക്കുന്നത് ഓള്‍ കേരള പൃഥ്വിരാജ് ഫാൻസ് ആൻഡ് വെല്‍ഫെയര്‍ അസോസിയേഷനാണ്. അസോസിയേഷന്റെ കോട്ടയം ജില്ലാ കമ്മിറ്റി ഷോ തീരുമാനിച്ചും കഴിഞ്ഞു എന്നും റിപ്പോര്‍ട്ടുകളുണ്ട്.
പൃഥ്വിരാജിന്റെ സലാര്‍ കോട്ടയത്ത് അഭിലാഷ് തിയറ്ററില്‍ പ്രദര്‍ശിപ്പിക്കുമെന്ന് പ്രഖ്യാപിച്ചിട്ടുണ്ട് എന്ന് മാത്രമല്ല ടിക്കറ്റ് ബുക്കിംഗ് തുടങ്ങിയിട്ടുമുണ്ട് എന്നാണ് സാമൂഹ്യ മാധ്യമങ്ങളിലെ പോസ്റ്റില്‍ നിന്ന് മനസിലാകുന്നത്.കേരളത്തില്‍ സലാര്‍ വിതരണം ചെയ്യുക ചിത്രത്തില്‍ പൃഥ്വിരാജിന്റെ പ്രൊഡക്ഷൻസാണ് എന്ന് നേരത്തെ പ്രഖ്യാപിച്ചിരുന്നു.
ഡിസംബര്‍ 22നാണ് സലാർ തീയേറ്ററുകളിലെത്തുക. പ്രഭാസ് ചിത്രത്തിന്റെ ഒടിടി റൈറ്റ്‍സിന് ലഭിച്ചതില്‍ വെച്ച് ഉയര്‍ന്ന തുകയ്ക്ക് നെറ്റ്ഫ്ലിക്സ് സലാറിന്റെ ഒടിടി റൈറ്റ്സ് സ്വന്തമാക്കിയിരിക്കുകയാണ്. ശ്രുതി ഹാസനാണ് ചിത്രത്തിലെ നായിക. ജഗപതി ബാബു, ഈശ്വരി റാവു എന്നിവരാണ് മറ്റ് താരങ്ങൾ. ഭുവൻ ഗൗഡ ഛായാഗ്രഹണവും രവി ബസ്രുർ സംഗീത സംവിധാനവും നിർവഹിക്കുന്നു.