ഗീതു മോഹന്ദാസ് സംവിധാനം ചെയ്യുന്ന ‘ടോക്സിക്’ ചിത്രത്തിലെ സത്രീ വിരുദ്ധത ചര്ച്ചയായിരുന്നു. ഈ വിഷയത്തില് ഡബ്ല്യൂുസിസിയോ സംഘടനയിലെ അംഗങ്ങളോ പ്രതികരിക്കാത്തതിനെതിരെ വിമര്ശനങ്ങളും ഉയര്ന്നിരുന്നു. കേരള ലിറ്ററേച്ചര് ഫെസ്റ്റിവലില് ഈ വിഷയത്തില് പ്രതികരിച്ചിരിക്കുകയാണ് ഡബ്ല്യുസിസി അംഗമായ മിറിയം ജോസഫ്. ഗീതു മോഹന്ദാസ് മാത്രമല്ലല്ലോ സെക്സിസ്റ്റ് ട്രെയ്ലര് ഇറക്കുന്നത് എന്നാണ് മിറിയം പറയുന്നത്.
ഡബ്ല്യുസിസിയ്ക്കുളളില് പല ചര്ച്ചകളും നടക്കാറുണ്ട്. അതെല്ലാം ഞങ്ങള് പത്രക്കാര്ക്ക് കൊടുക്കാറില്ല. ഞങ്ങള് പൊലീസുകാരല്ല, എല്ലാവരെയും പൊലീസിങ്ങ് ചെയ്യാന് പോകുന്നില്ല. അതല്ല ഞങ്ങളുടെ ജോലി, അതല്ല ഞങ്ങളുടെ ആഗ്രഹം. സെക്സിസ്റ്റ് ആയിട്ടുളള കാര്യങ്ങള് കാണുന്നത് ഇഷ്ടമല്ല. ഗീതുവിനോട് എന്തെങ്കിലും പറയാനുണ്ടെങ്കില് അത് സംഘടനയ്ക്കുളളില് പറയും.
അതുകൊണ്ടാണ് ഡബ്ല്യുസിസി ഒരു സംഘടനയായി നിലനില്ക്കുന്നത്. ഗീതു മോഹന്ദാസ് ഇപ്പോഴും സംഘടനയിലെ അംഗമാണ്. നിങ്ങളുടെ പ്രവര്ത്തനം എന്താണ്, നിങ്ങള് എന്താണ് ചെയ്യുന്നത് എന്ന് ‘അമ്മ’ സംഘടയോട് ചോദിക്കാറുണ്ടോ? ഡബ്ല്യുസിസിയോട് മാത്രം എന്തുകൊണ്ട് ചോദിക്കുന്നു. സെക്സിസ്റ്റ് ട്രെയ്ലര് ഗീതു മോഹന്ദാസ് മാത്രമല്ലല്ലോ ഉണ്ടാക്കിയത്.
സെക്സിസ്റ്റ് ട്രെയിലര് ഉണ്ടാക്കുന്ന പുരുഷന്മാരോട് അതിനെ കുറിച്ച് ചോദിക്കാറുണ്ടോ? ഞങ്ങള് ആരും പുണ്യാളന്മാരല്ല. എല്ലാവരെയും പോലെ തന്നെയുളള സാധാരണ സിനിമാ പ്രവര്ത്തകരാണ്. ചില കാര്യങ്ങള് മാറ്റണം. ചില നിലപാടുകള് മാറ്റണം. അത് ഇനി നിങ്ങള് എന്ത് ചോദിച്ചാലും ഞങ്ങള് ഇവിടെ തന്നെ കാണും. ഞങ്ങള് എങ്ങോട്ടും പോകുന്നില്ല എന്നാണ് മിറിയം പറയുന്നത്.