വിജയ് സേതുപതി, സൂരി എന്നിവരെ കേന്ദ്ര കഥാപാത്രങ്ങളാക്കി വെട്രിമാരന് സംവിധാനം ചെയ്യുന്ന “വിടുതലൈ” ചിത്രത്തിന്റെ ഫസ്റ്റ്ലുക്ക് പോസ്റ്റര് പുറത്ത്. കൈവിലങ്ങ് അണിഞ്ഞിരിക്കുന്ന വിജയ് സേതുപതിയും തോക്കേന്തി പട്ടാള യൂണിഫോമില് നില്ക്കുന്ന സൂരിയുമാണ് പോസ്റ്ററിലുള്ളത്. ഉപദേഷ്ടാവായി വിജയ് സേതുപതി, നായകനായി സൂരി എന്നാണ് പോസ്റ്ററില് നല്കിയിരിക്കുന്ന വാചകങ്ങള്.
വെദ്യുതിയും ടെലികമ്മ്യൂണിക്കേഷനും ഇല്ലാത്ത പശ്ചിമഘട്ടത്തിലെ നിബിഡ വനങ്ങളില് സേതുപതി, വെട്രിമാരന്, സൂരി, ഭവാനി ശ്രെ എന്നിവര് ഗോത്രവര്ഗ്ഗക്കാര്ക്കൊപ്പം താമസിച്ചാണ് അതിസാഹികമായ രംഗങ്ങള് പൂര്ത്തിയാക്കിയത്. ജയമോഹന്റെ തുണൈവന് എന്ന ചെറു കഥയെ ആസ്പദമാക്കിയാണ് സിനിമ ഒരുക്കുന്നത്.
നിര്മ്മാതാവ് എല്റെഡ് കുമാറിന്റെ പ്രൊഡക്ഷന് കമ്പനിയായ ആര് എസ് ഇന്ഫോടെയ്ന്മെന്റ് ആണ് ചിത്രം അവതരിപ്പിക്കുന്നത്. ഇളയരാജ ആണ് ചിത്രത്തിന് സംഗീതം ഒരുക്കുന്നത്. ഇളയരാജയും വെട്രിമാരനും ആദ്യമായി ഒന്നിക്കുന്ന ചിത്രം കൂടിയാണിത്. വെട്രിമാരന്റെ മുന് സിനിമകളുടെ ഛായാഗ്രഹകനായ വേല്രാജ് തന്നെയാണ് വിടു തലൈക്കും ക്യാമറ കൈകാര്യം ചെയ്യുന്നത്.
എഡിറ്റിംഗ് ആര് രാമര്, ആക്ഷന് പീറ്റര് ഹെയ്ന്, കല ജാക്കി. വടചെന്നൈ, അസുരന് എന്നീ ചിത്രങ്ങള്ക്കു ശേഷം വെട്രിമാരന് സംവിധാനം ചെയ്യുന്ന ചിത്രം കൂടിയാണ് വിടുതലൈ. 1986യില് റിലീസ് ചെയ്ത ശിവാജി ഗണേശന്-രജനികാന്ത് ചിത്രത്തിന്റെ പേരും “വിടുതലൈ” എന്നാണ്. ഇരുവരുടെയും സമ്മതത്തോടെയാണ് പേര് ഉപയോഗിച്ചിരിക്കുന്നത്.