തമിഴ് സൂപ്പര് താരം സൂര്യ നായകനാകുന്ന പൊളിറ്റിക്കല് ത്രില്ലര് ചിത്രം എന്ജികെയുടെ ട്രെയിലറിന് വമ്പന് വരവേല്പ്പ്. ഏറെ നാളത്തെ കാത്തിരിപ്പിനു ശേഷം എത്തിയ ട്രെയിലറിനെ ഇരുകൈയും നീട്ടിയാണ് ആരാധകര് സ്വീകരിച്ചിരിക്കുന്നത്. പുറത്തിറങ്ങി രണ്ടാം ദിനം ട്രെയിലറിന് 64 ലക്ഷത്തിന് മേല് കാഴ്ച്ചക്കാരായിട്ടുണ്ട്. ട്രെന്ഡിംഗിലും ഒന്നാമതാണ് ട്രെയിലര്.
പുറത്തുവിട്ട് മണിക്കൂറുകള്ക്കുള്ളില് തന്നെ ട്രെയിലര് ട്രെന്ഡിംഗില് ഒന്നാമതെത്തിയിരുന്നു. നേരത്തെ പുറത്തിറങ്ങിയ ടീസര് യൂട്യൂബില് ഒമ്പത് മില്യണ് വ്യൂസ് നേടി വന് ഹിറ്റായിരുന്നു. പൊളിറ്റിക്സും ആക്ഷനും റൊമാന്സുമെല്ലാം നിറഞ്ഞൊരു മാസ് ചിത്രമായിരിക്കും എന്ജികെ എന്നാണ് ട്രെയിലര് വ്യക്തമാക്കുന്നത്. സായി പല്ലവി, രകുല് പ്രീത് സിങ്ങ് എന്നിവരാണ് ചിത്രത്തിലെ നായികമാര്.
ശെല്വരാഘവന് സംവിധാനം ചെയ്യുന്ന ചിത്രത്തിന് യുവന് ശങ്കര് രാജയാണ് സംഗീതം ഒരുക്കുന്നത്. തമിഴ് സിനിമ രംഗത്ത് എന്നും വ്യത്യസ്തമായ വിഷയങ്ങള് ഏറ്റെടുത്തിട്ടുളള സംവിധായകന് സെല്വരാഘവനുമൊത്ത് സൂര്യയുടെ ആദ്യ ചിത്രമാണിത്. നന്ദ ഗോപാല് കുമരന് എന്ന രാഷ്ട്രീയപ്രവര്ത്തകനായാണ് ചിത്രത്തില് സൂര്യ എത്തുക. എസ്ആര് പ്രകാശ് ബാബു ആന്റ് എസ്.ആര്.പ്രഭുവും ചേര്ന്നാണ് നിര്മ്മാണം.