സെല്വരാഘവന് അണിയിച്ചൊരുക്കുന്ന സൂര്യ- സായി പല്ലവി ചിത്രം എന്ജികെ നാളെ ലോകമെമ്പാടും പ്രദര്ശനത്തിനെത്തും. നന്ദ ഗോപാല് കുമരന് അഥവാ എന് ജി കെ എന്ന രാഷ്ട്രീയപ്രവര്ത്തകനായാണ് സൂര്യ ചിത്രത്തില് വേഷമിടുന്നത്. രാകുല് പ്രീത്, ദേവരാജ്, പൊന്വണ്ണന്, ഇളവരസ് , വേലാ രാമമൂര്ത്തി തുടങ്ങിയവര് മറ്റു പ്രധാന കഥാപാത്രങ്ങള്ക്കായി അണിനിരക്കുന്ന “എന്.ജി.കെ” ഒരു പൊളിറ്റിക്കല് ആക്ഷന് ത്രില്ലറായാണ് ഒരുക്കിയിരിക്കുന്നത്. ചിത്രത്തിന്റെ പ്രൊമോ വീഡിയോ സൂര്യ പങ്കുവെച്ചിട്ടുണ്ട്.
തമിഴ് സിനിമ രംഗത്ത് എന്നും വ്യത്യസ്തമായ വിഷയങ്ങള് ഏറ്റെടുത്തിട്ടുളള സംവിധായകന് സെല്വരാഘവനുമൊത്ത് സൂര്യയുടെ ആദ്യ ചിത്രമാണിത്. ആരാധകരെ ആവേശം കൊള്ളിക്കുന്ന ആക്ഷന് രംഗങ്ങള്കൊണ്ടും മൂര്ച്ചയുള്ള സംഭാഷണങ്ങള് കൊണ്ടും സമ്പുഷ്ടമാണ് “എന് ജി കെ” എന്നാണ് അണിയറപ്രവര്ത്തകര് അവകാശപ്പെടുന്നത്. ചിത്രത്തിന്റെ ചിത്രത്തിന്റെ പ്രചാരണ പരിപാടികളുടെ ഭാഗമായി സൂര്യയും സായ് പല്ലവിയും കഴിഞ്ഞ ദിവസം കൊച്ചിയിലെത്തിയിരുന്നു.
ചിത്രം ഒരു പൊളിറ്റിക്കല് സിനിമയാണെങ്കിലും ഒരു പ്രത്യേക രാഷ്ട്രീയ പാര്ട്ടിയെക്കുറിച്ചുള്ളതല്ലെന്നാണ് സൂര്യ പറയുന്നച്. രാഷ്ട്രീയം പറയുന്നുണ്ടെങ്കിലും ഒരു ഫാമിലി ചിത്രം തന്നെയാണ് ഇതെന്നാണ് സൂര്യ ഉറപ്പു നല്കുന്നത്. സൂര്യയുമായി ഒന്നിച്ചുള്ള ഈ ചിത്രം തനിക്കേറെ പാഠങ്ങള് പകര്ന്നു തന്നുവെന്ന് സായി പല്ലവി പറഞ്ഞു. എന്നും പത്തു വര്ഷം കൊണ്ട് സിനിമയില് പഠിക്കേണ്ട പാഠങ്ങള് എല്ലാം തന്നെ ഈയൊരു ചിത്രം കൊണ്ട് പഠിച്ചെടുത്തു എന്നും സായി പല്ലവി പറഞ്ഞു.