ബിജെപി നേതാവും നടിയുമായ സോണാലിയുടെ മരണത്തില് ദുരൂഹത ആരോപിച്ച് കുടുംബം. ഹൃദയാഘാതമാണ് മരണകാരണമെന്നായിരുന്നു പ്രഥമിക നിഗമനം. എന്നാല് ഇത് വിശ്വസനീയമല്ലെന്നാണ് കുടുംബം ആരോപിക്കുന്നത്. ചില ഗൂഢാലോചനകള് തനിക്കെതിരെ നടക്കുന്നുണ്ടെന്ന് സോണാലി പറഞ്ഞതായി സഹോദരി വെളിപ്പെടുത്തി.
‘ചില അസ്വസ്ഥത അനുഭവപ്പെടുന്നതായി അവള് പറഞ്ഞിരുന്നു. തനിക്കെതിരെ എന്തോ ഗൂഢാലോചന നടക്കുന്നതുപോലെ, എന്തോ ശരിയല്ലെന്ന് അവള്ക്ക് തോന്നിയിരുന്നു. അടുത്ത ദിവസം അറിയുന്നത് അവള് ഇല്ലെന്ന വാര്ത്തയാണ്,’ സഹോദരി പറഞ്ഞതായി പിടിഐ റിപ്പോര്ട്ട് ചെയ്തു.
എന്റെ സഹോദരിക്ക് ഹൃദയാഘാതം ഉണ്ടാകില്ല. അവള് നല്ല ആരോഗ്യവതിയായിരുന്നു. സിബിഐയെക്കൊണ്ട് ശരിയായ അന്വേഷണം നടത്തണമെന്ന് ഞങ്ങള് ആവശ്യപ്പെടുന്നു. സോണാലിക്ക് ആരോഗ്യ പ്രശ്നങ്ങള് ഒന്നും തന്നെയില്ലായിരുന്നു. സഹോദരി എഎന്ഐയോട് പ്രതികരിച്ചു.
പ്രാഥമിക പരിശോധനയില് മരണത്തില് അസ്വാഭാവികതയില്ലെന്ന് ഗോവ ഡിജിപി ജസ്പാല് സിങ് പറഞ്ഞു. പോസ്റ്റ്മോര്ട്ടം റിപ്പോര്ട്ട് ലഭിച്ചാലേ മരണകാരണം വ്യക്തമാകൂവെന്നും ഡിജിപി അറിയിച്ചു.