റോഷന് ബഷീര് നായകനാകുന്ന “വിന്സെന്റ് ആന്ഡ് ദി പോപ്പ്” ചിത്രം റിലീസിന് ഒരുങ്ങുന്നു. ബിജോയ് പി.ഐ തിരക്കഥ എഴുതി സംവിധാനം ചെയ്യുന്ന ചിത്രത്തില് സ്റ്റൈലിഷ് ഗെറ്റപ്പില് ആണ് റോഷന് എത്തുക. വിന്സെന്റ് എന്ന ടൈറ്റില് റോള് ചിത്രത്തില് താരം അവതരിപ്പിക്കുന്നത്.
ദൃശ്യം ചിത്രത്തിന് ശേഷം റോഷന്റെ ശക്തമായ മറ്റൊരു കഥാപാത്രമാണ് വിന്സെന്റ്. ചിത്രത്തിന്റെ ഫസ്റ്റ് ലുക്ക് പോസ്റ്റര് സോഷ്യല് മീഡിയയില് വൈറലായി മാറിയിരുന്നു. ജൂണ് അവസാന വാരമാണ് പ്രമുഖ ഒ.ടി.ടി പ്ലാറ്റുഫോമുകളില് ചിത്രം റിലീസ് ചെയ്യുക.
റിവഞ്ച് ത്രില്ലര് ജോണറില് ഒരുക്കിയ കഥയില് വിന്സെന്റ് എന്ന ഹിറ്റ്മാന് തന്റെ ജീവിതത്തിലെ നിര്ണായകമായ ഒരു യാത്രവേളയില് കണ്ടുമുട്ടുന്ന ഹോജ എന്ന ടാക്സി ഡ്രൈവറുമായി ഉണ്ടാകുന്ന സംഭവവികാസങ്ങളിലൂടെയാണ് കഥ മുന്നോട്ട് പോകുന്നത്. പുതുമുഖ താരം റിയാസ് അബ്ദുല് റഹിം ആണ് ടാക്സി ഹോജ ആയി വേഷമിടുന്നത്.
കുരിശുമല, ആരുവാമൊഴി, തിരുവനന്തപുരം എന്നീ ലൊക്കേഷനുകളില് ഷൂട്ടിംഗ് പൂര്ത്തിയാക്കിയ ചിത്രം അഖില് ഗീതാനന്ദ ഛായാഗ്രഹണവും കിരണ് വിജയ് എഡിറ്റിംഗും നിര്വ്വഹിക്കുന്നു. സഞ്ജീവ് കൃഷ്ണന് ആണ് പശ്ചാത്തല സംഗീതം. വാര്ത്ത പ്രചാരണം പി. ശിവപ്രസാദ്.