പൃഥ്വിരാജിനെ നായകനാക്കി ഷാജി കെെലാസ് ഒരുക്കിയ ചിത്രം കടുവ തിയേറ്ററുകളിൽ വിജയകരമായി ജെെത്രയാത്ര തുടരുകയാണ്. ചിത്രത്തിനു പിന്നാലെ ഷാജി കെെലാസ് പറഞ്ഞ വാക്കുകളാണ് സോഷ്യൽ മീഡിയായിൽ വെെറലായി മാറിയിരിക്കുന്നത്. മോഹൻലാലിന്റെ അതേ എനർജിയാണ് പൃഥ്വിക്കുമെന്ന് സംവിധായകൻ ഷാജി കെെലാസ്. പഴയ സിനിമകളിൽ ഫെെറ്റ് സീനുകൾ വരുമ്പോൾ മോഹൻലാൽ കണ്ണും പൂട്ടി ഇറങ്ങുമായിരുന്നു. അതുപോലെ തന്നെയാണ് പൃഥ്വിരാജുമെന്ന് ഫിൽമി ഹൂഡ്‌സിന് നൽകിയ അഭിമുഖത്തിലാണ് ഷാജി കൈലാസ് ഈക്കാര്യം പറഞ്ഞത്. പൃഥ്വിയുടെ ആ ഒരു എനർജി കാണുമ്പോൾ തന്നെ നമ്മുക്കും സന്തോഷമാകും.
കടുവയുടെ ഫെെറ്റ് സീനിൽ കടുവയുടെ മാനറിസം കൊണ്ട് വരേണ്ടത് അത്യാവിശ്യമായിരുന്നു. അത് കണ്ട് അറിഞ്ഞ് തന്നെ അദ്ദേഹം ചെയ്തെന്നും ഷാജി കൈലാസ് കൂട്ടിച്ചേർത്തു. നീണ്ട ഇടവേളയ്ക്ക് ശേഷം ഷാജി കെെലാസ് സംവിധാനത്തിലേയ്ക്ക് തിരിച്ചെത്തിയ ചിത്രമായിരുന്നു കടുവ.
മാസ് മസാല ആക്ഷൻ ജോണറിൽ അണിയിച്ചൊരുക്കിയ ചിത്രം തിയേറ്ററുകളിൽ വിജയകരമായി മാറിയിരുന്നു. രണ്ട് പേർ തമ്മിലുണ്ടാകുന്ന വ്യക്തിപരമായ പ്രശ്‌നങ്ങൾ അവർ എങ്ങനെ കൈകാര്യം ചെയ്യുന്നു എന്നതിലൂടെയാണ് ചിത്രം സഞ്ചരിക്കുന്നത്. അതിന്റെ ഒഴുക്കിനൊപ്പം പ്രേക്ഷകരേയും കൊണ്ടുപോകാൻ ഷാജി കെെലാസ് എന്ന സംവിധായകന് കഴിഞ്ഞിട്ടുണ്ട്.
കടുവക്കുന്നേൽ കുര്യച്ചനായി പൃഥ്വിരാജും ഐ.ജി ജോസഫ് ചാണ്ടിയായി വിവേക് ഒബ്രോയ്യുമാണ് എത്തിയത്. ലൂസിഫറിന് ശേഷം വിവേക് ഒബ്രോയ് മലയാളത്തിൽ അഭിനയിക്കുന്ന ചിത്രം കൂടിയാണ് കടുവ. സംയുക്ത മേനോൻ, അർജുൻ അശോകൻ, അലൻസിയർ, ബൈജു, കലാഭവൻ ഷാജോൺ തുടങ്ങിയവരും ചിത്രത്തിൽ പ്രധാന വേഷങ്ങളിൽ എത്തിയിരുന്നു