പ്രധാനമന്ത്രി നരേന്ദ്രമോദിയുടെ ജീവിതത്തെ ആസ്പദമാക്കി പുറത്തിറങ്ങുന്ന ചിത്രം പി എം നരേന്ദ്രമോദിയുടെ പുതിയ റിലീസ് തിയ്യതി പ്രഖ്യാപിച്ചു. ചിത്രം ആദ്യഘട്ട വോട്ടെടുപ്പ് ദിവസമായ ഏപ്രില്‍ 11 ന് തിയേറ്ററുകളിലെത്തും. നേരത്തെ ചിത്രം ഏപ്രില്‍ 5 ന് തിയേറ്ററുകളിലെത്തിക്കാനാണ് ഉദ്ദേശിച്ചതെങ്കിലും പ്രതിപക്ഷത്തിന്റെ എതിര്‍പ്പ് മൂലം മാറ്റുകയായിരുന്നു. പിന്നീട് ഏപ്രില്‍ 12 ന് ചിത്രം തിയേറ്ററുകളിലെത്തുമെന്നും റിപ്പോട്ടുകളുണ്ടായിരുന്നു. അതും മാറ്റിയാണ് ഇപ്പോള്‍ ഏപ്രില്‍ 11 ന് ചിത്രം തിയേറ്ററുകളിലെത്തുമെന്ന് നിര്‍മ്മാതാവാണ് ട്വി്റ്ററിലൂടെ അറിയിച്ചിരിക്കുന്നത്.
വിവേക് ഒബ്‌റോയിയാണ് മോദിയുടെ വേഷത്തിലെത്തുന്നത്. പി എം നരേന്ദ്ര മോദി എന്ന പേരിലൊരുങ്ങുന്ന ചിത്രം സംവിധാനം ചെയ്യുന്നത് ഒമുംഗ് കുമാറാണ്. “മേരി കോം”, “സരബ്ജിത്” തുടങ്ങിയ ചിത്രങ്ങള്‍ ഇദ്ദേഹം സംവിധാനം ചെയ്തിട്ടുണ്ട്. ഗയ ഘട്ട്, കല്‍പ് കേദാര്‍ മന്ദിര്‍, ധരാളി ബസാറിനേയും മുഖ്ബ ഗ്രാമത്തേയും ബന്ധിപ്പിക്കുന്ന തൂക്കുപാലം തുടങ്ങിയ ഇടങ്ങളിലാണ് മോദിയുടെ ചെറുപ്പകാലവും രാഷ്ട്രീയ ജീവിതവും ചിത്രീകരിക്കുന്നത്.
https://twitter.com/sandip_Ssingh/status/1114166429383897088
വിവേക് ഒബ്‌റോയിയുടെ പിതാവും പ്രശസ്ത നിര്‍മ്മാതാവുമായ സുരേഷ് ഒബ്‌റോയിയും സന്ദീപ് സിംഗും ചേര്‍ന്നാണ് ചിത്രം നിര്‍മ്മിക്കുന്നത്.