താന് ബോധംകെട്ട് ആശുപത്രിയിലാണ് എന്ന വാര്ത്തകളോട് പ്രതികരിച്ച് നാദിര്ഷ. ചില യൂട്യൂബ് ചാനലുകളിലും മാധ്യമങ്ങളിലുമായിരുന്നു നാദിര്ഷ ബോധംകെട്ട് ആശുപത്രിയിലാണെന്ന തരത്തിലുള്ള വാര്ത്തകള് വന്നത്. ഇതിനെതിരേയാണ് ഒരു ചാനല് പരിപാടിയില് പങ്കെടുക്കുന്ന ചിത്രം പങ്കുവച്ച് മറുപടിയുമായി നാദിര്ഷ രംഗത്തെത്തിയത്.
”ഞാന് ബോധം കെട്ടു ആശുപത്രിയിലാണെന്നു പ്രചരിപ്പിക്കുന്ന ചില മാമാ മാധ്യമങ്ങള്ക്ക് നടുവിരല് നമസ്ക്കാരം” എന്നാണ് നാദിര്ഷ ഫെയ്സ്ബുക്കില് കുറിച്ചിരിക്കുന്നത്. തിരുവനന്തപുരത്ത് കോമഡി മാസ്റ്റേഴ്സിന്റെ ഷൂട്ടിലാണെന്നും താരം പോസ്റ്റില് കുറിച്ചിട്ടുണ്ട്.
സംവിധായകനും നടനുമായ ജോണി ആന്റണി, ധര്മ്മജന് ബോള്ഗാട്ടി എന്നിവരും നാദിര്ഷ പങ്കുവച്ച ചിത്രത്തിലുണ്ട്. നാദിര്ഷയെ പിന്തുണച്ചു കൊണ്ടുള്ള കമന്റുകളാണ് പോസ്റ്റിന് താഴെ എത്തുന്നത്. ‘സാര് സന്തോഷത്തോടെ ഇരിക്കുന്നത് കാണാന് മാത്രമേ ആഗ്രഹം ഉള്ളൂ ദൈവം കാത്തു കെള്ളും’ എന്നാണ് ഒരു കമന്റ്.
നടി ആക്രമിക്കപ്പെട്ട കേസിലെ അന്വേഷണ ഉദ്യോഗസ്ഥരെ വധിക്കാന് ഗൂഢാലോചന നടത്തിയെന്ന കേസില് നാദിര്ഷയ്ക്ക് ക്രൈംബ്രാഞ്ച് നോട്ടീസ് അയച്ചെന്ന റിപ്പോര്ട്ട് കഴിഞ്ഞ ദിവസം പുറത്ത് വന്നിരുന്നു. നാദിര്ഷ നാട്ടിലില്ലാത്തതിനാല് അദ്ദേഹത്തിന്റെ വീട്ടിലെത്തി നോട്ടീസ് നല്കുയായിരുന്നുവെന്നും വാര്ത്തയില് പറഞ്ഞിരുന്നു.
അതേസമയം, കേശു ഈ വീടിന്റെ നാഥന് ആണ് നാദിര്ഷയുടെതായി ഒടുവില് പുറത്തിറങ്ങിയ ചിത്രം. ദിലീപ്, ഉര്വശി എന്നിവരാണ് ചിത്രത്തില് കേന്ദ്ര കഥാപാത്രങ്ങളായത്. ജയസൂര്യ നായകനാകുന്ന ഈശോ ആണ് നാദിര്ഷയുടെ സംവിധാനത്തില് ഒരുങ്ങുന്ന പുതിയ ചിത്രം.