തുടക്ക കാലത്ത് കാരവന് സംസ്കാരത്തെ എതിര്ത്ത ആളാണ് നിര്മ്മാതാവും നടനുമായ സുരേഷ് കുമാര്. ഇപ്പോള് കാരവാന് സിനിമ ലൊക്കേഷനുകളില് സാധാരണമായപ്പോള് താന് കാരവനില് ഇരിക്കുമ്പോള് എല്ലാവരും കളിയാക്കും എന്നു പറയുകയാണ് സുരേഷ്. ഇതില് മകളും നടിയുമായ കീര്ത്തിയുടെ കാണ്കല് തന്നെ മമ്മൂട്ടി കളിയാക്കിയ കാര്യം പറയുകയാണ് സുരേഷ് കുമാര്.
“തുടക്ക കാലത്ത് കാരവന് സംസ്കാരത്തെ എതിര്ത്ത ആളാണ് ഞാന്. ഇപ്പോള് ഞാന് കാരവനില് ഇരിക്കുമ്പോള് എല്ലാവരും കളിയാക്കും. അടുത്തിടെ ഞങ്ങള് കുടുംബസമേതം മമ്മൂട്ടിയുടെ ചെന്നൈയിലെ വീട്ടില് പോയി. മമ്മുക്ക കീര്ത്തിയെ കൂട്ടിക്കൊണ്ടു പോയി കാരവനൊക്കെ കാണിച്ചിട്ട് പറഞ്ഞു, “നീ ഇതു പോലൊന്നു വാങ്ങണം, പക്ഷേ, നിന്റെ അച്ഛന് സമ്മതിക്കില്ല. അവന് ഇതിന് എതിരാണ്…”
“പഴയകാലത്തെ അവസ്ഥ വച്ചാണ് ഞാന് കാരവാനെ എതിര്ത്തത്. ഷൂട്ടിങ് സെറ്റില് എല്ലാവും ഒരു കുടുംബം പോെല മരച്ചുവട്ടിലോ വീടിന്റെ വരാന്തയിലോ ഒന്നിച്ചിരുന്നു സംസാരിച്ചിരുന്ന കാലമാണത്. മേനകയൊക്കെ അഭിനയിക്കുമ്പോള് റോഡ് സൈഡില് ഇരുന്നാണു ഭക്ഷണം കഴിച്ചിരുന്നതെന്ന് പറഞ്ഞു കേട്ടിട്ടുണ്ട്. ചില നടന്മാര് കാരവനുകളില് അഭയം പ്രാപിച്ചപ്പോള് സ്നേഹബന്ധം പോകുമല്ലോ എന്നോര്ത്താണ് അന്ന് എതിര്ത്തത്. കാരവന് കാലഘട്ടത്തോട് താദാത്മ്യം പ്രാപിക്കാന് കുറച്ചു സമയമെടുത്തു എന്നതു സത്യം. ഇപ്പോള് അതൊക്കെ എനിക്കു തന്നെ തിരിച്ചടിയായി.” വനിതയുമായുള്ള അഭിമുഖത്തില് സുരേഷ്കുമാര് പറഞ്ഞു.